LAJMI I FUNDIT:

Paga mesatare në Mal të Zi arrin në 511 euro

Paga mesatare në Mal të Zi arrin në 511 euro

Paga mesatare mujore në Mal të Zi në janar, duke përjashtuar tatimet dhe kontributet, ishte 511 euro. Sipas Entit për Statistika (MONSTAT) kjo shifër është 0.4 për qind më e lartë në krahasim me muajin e kaluar.

Paga mesatare në janar pa tatime dhe kontribute, në krahasim me të njëjtin muaj të vitit të kaluar, u rrit me 4.3 për qind, ndërsa në krahasim me fitimin mesatar neto të vitit të kaluar, ishte 2.4 për qind më e lartë.

Në janar, paga mesatare bruto ishte 767 euro.

Ekspertët e statistikave thonë se duke marrë parasysh faktin e rritjes së çmimeve të konsumit, të cilat në muajin janar në krahasim me muajin dhjetor të vitit të kaluar janë rritur për 0.3 për qind, del se fitimi i vërtetë neto në të njëjtën periudhë u rrit me 0.1 për qind.

Për sa U përket sektorëve, rritje e pagave u shënua në sektorin e argëtimit dhe krijimit, komunikimit, shëndetësi dhe mbrojtje sociale, ndërsa rënie pati në administratën publike, bujqësi, peshkim dhe sigurime financiare. /Telegrafi/