Osmani: Të hedhësh poshtë parimin e reciprocitetit do të thotë të refuzosh marrëveshjet e arritura në dialogun

Kryetarja e Kuvendit të Kosovës i ka dalë në mbrojtje vendimit të Qeverisë në detyrë të Albin Kurtit për vendosjen e masave të reja të reciprocitetit ndaj Serbisë.

Ajo në një postim në Twitter ka reaguar ndaj emisarit special të BE-së për dialogun Miroslav Lajçak i cili ka shprehur zhgënjimin e tij me Qeverinë në detyrë, pasi kjo e fundit vendosi që asnjë maune nga Serbia të mos hyjë në vendin tonë, nëse në dokumentacion nuk përmendet emri Republika e Kosovës.

“Me gjithë respektin e duhur, të hedhësh poshtë parimin e reciprocitetit do të thotë të refuzosh marrëveshjet e arritura në dialogun e udhëhequr nga BE-së. Shumica e tyre i referohen CEFTA (e cila përfshin edhe parimet e reciprocitetit) dhe disa kërkojnë në mënyrë të qartë reciprocitetin në marrëdhëniet tregtare”, shkruan Vjosa Osmani.

Për më tepër, Osmani ka thënë se marrëveshjet i referohen masave reciproke në tregti dhe dokumente dhe respektimin e standardeve ndërkombëtare, teksa i ka përkujtuar diplomatit sllovak se standardi më i rëndësishëm në tregtinë ndërkombëtare është reciprociteti.

“Ajo që po Kosova është pikërisht ajo që po na kërkoni: të zbatojmë marrëveshjet”, ka shkruar Osmani.

Ndryshe, Lajçak kishte deklaruar se veprimet e njëanshme dëmtojnë rinisjen e dialogut dhe se masat e fundit ndaj Serbisë duhet të hiqen menjëherë.

The agrements refer to reciprocical measures in trade & docs and respect for intl’ standards. Most important standard in intl trade: reciprocity. What 🇽🇰 is doing is exactly what you’re are asking us to do: implementing the agreements. About time for 🇷🇸 to do its share. 2/2

— Vjosa Osmani (@VjosaOsmaniMP) May 31, 2020