Kosova po dështon në përafrimin e saj me Bashkimin Evropian dhe po dëmton raportet me institucionet e BE-së, thonë deputetë të partive politike në opozitë.
Në takimin e katërt të përbashkët të Komisionit parlamentar për Punë të Jashtme me deputetët e Parlamentit Evropian, të mbajtur në Strasburg është bërë e ditur se nuk është arritur miratimi i konkluzave të përbashkëta në mes të Parlamentit Evropian dhe Kuvendit të Kosovës.
Mosmiratimi i konkluzave, sipas opozitës, ka ardhur si pasojë veprimeve të deputetëve të koalicionit qeverisës në Kosovë, të cilët kundërshtuan një paragraf të propozuar nga deputetët e Parlamentit Evropian, i cili u bënte thirrje liderëve politikë në Kosovë që të vazhdojnë të përkrahin funksionimin e Gjykatës Speciale për krime lufte.
Deputetja e Lidhjes Demokratike të Kosovës, Vjosa Osmani tha se nga bisedat që kanë zhvilluar me deputetët e Parlamentit Evropian është theksuar se Kosova nuk po i respekton parimet e sundimit të ligjit dhe obligimet ndërkombëtare.
“Ka qenë kërkesë e përbashkët e deputetëve të Parlamentit Evropian dhe kërkesa e tyre unanime që deklarata e përbashkët të përmbajë një paragraf lidhur më këtë çështje (Gjykatën Speciale), e cila do të siguronte që Kosova qëndron pranë obligime ndërkombëtare që i ka marrë”.
“Fatkeqësisht për shkak të qasjes tërësisht të papërgjegjshme të koalicionit qeverisës, për shkak se dështoi miratimi i atij paragrafi, deputetët e Parlamentit Evropian nuk ishin të gatshëm të miratojnë deklaratën në tërësi”, tha Osmani.
Ndërkohë, deputetët e koalicionit qeverisës thonë se Kosova është duke ecur me një ritëm të shpejtë në agjendën evropiane dhe se nuk ka asnjë dëmtim të raporteve me Parlamentin Evropian.
Nënkryetarja e Komisionit për Punë të Jashtme, Time Kadrijaj nga radhët e Aleancës për Ardhmërinë e Kosovës, tha për Radion Evropa e Lirë se mosmiratimin i një konkluze të përbashkët nuk do të dëmtojë raportet e Kosovës me Parlamentin Evropian.
“Kosova gjithmonë ka miratuar një deklaratë sepse ka përafruar qëndrimet. Nëse shikohen vendet si Serbia apo Mali i Zi, që asnjëherë nuk kanë arritur të harmonizojnë një deklaratë të përbashkët, për Kosovën kjo është hera e parë që ka ndodhur dhe nuk do të thotë që kjo ka ndikuar në largimin e Kosovës me BE”, thotë ajo.
Qeveria e Kosovës, shton Kadrijaj, është e përkushtuar në agjendën e reformave ndërkombëtare dhe ka një ritëm të punës në përmbushjen e të gjitha obligimeve që dalin nga Marrëveshja e Stabilizim Asocimit dhe agjendës evropiane.
Në anën tjetër, për deputeten e LDK-së, Vjosa Osmani, veprimi i deputetëve të koalicionit qeverisës është i dëmshme dhe i papranueshëm.
Sipas saj, kjo rezulton me dëmtimin e raporteve në mes të Kuvendit të Kosovës dhe Parlamentit Evropian dhe e paraqet Kosovën si vend që kundërshton parimet e sundimit të ligjit.
“Ne si LDK do të vazhdojmë që me çdo mjet të kundërshtojë veprimet e tilla që kanë për qëllim të dëmtojnë raportet me BE-në dhe institucionet e veçanta brenda BE-së. Po ashtu, ne kemi bërë një kërkesë për debat parlamentar lidhur më këtë çështje, pasi që është me interes jo vetëm të deputetëve, por edhe të qytetarët për hapat që po bëjnë deputetët e koalicionit qeverisës për të dëmtuar raportet me Parlamentin Evropian”, thotë Osmani.
Ndryshe, njohës të çështjeve evropiane vazhdimisht kanë theksuar se Kosova ndodhet shumë larg përmbushjes së kritereve që e përafrojnë atë me integrimin në Bashkimin Evropian.
Sfidë para shtetit të Kosovës, sipas tyre, mbetet sundimi i rendit dhe ligjit, reformat e brendshme, transformimi rrënjësor i politikëbërjes si dhe zhvillimi dhe funksionimi i institucioneve.
Ndërkohë, përfaqësues të Bashkimit Evropian kanë deklaruar tanimë se “BE-ja është gjithnjë e më e gatshme për të marrë në konsiderim anëtarësimin e shteteve të Ballkanit Perëndimor në bllok”.
Sipas tyre, anëtarësimi i këtyre shteteve në BE do të siguronte paqe në rajon, ndërsa do të pasuronte edhe vetë BE-në.
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Takimi i Kurtit me ndihmësekretarin amerikan, O’Brien, deklarata pas takimit dhe çështja e Asociacionit
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Gostivar, këto janë rezultatet
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën