Kryeministri i Kosovës, Isa Mustafa, ka përsëritur se Komisioni i Ekspertëve konstatoi se Kosova nuk ka humbur asnjë metër tokë me nënshkrimin e marrëveshjes së Demarkacionit me Malin e Zi.
Tutje Mustafa ka thënë se nuk ka kuptim që të kundërshtohet çështja e kufirit me Malin e Zi.
“Nuk ka asnjë kuptim që të vazhdohet me kundërshtime të pabazuara, por duhet të gjejmë forcë për ta ratifikuar kufirin, sepse kufi tjetër nuk ka. Mund ti dëmtojmë qytetarët tanë, ti mbajmë të izoluar, por sipërfaqe më të madhe se 10.908 km katror Kosova nuk ka pasur asnjëherë”, ka deklaruar kryeministri.
Por, pavarësisht këtij insistimi të kryeministrit Mustafa, se Kosova nuk humb territor, opozita vazhdon të qëndrojë prapa asaj se me këtë marrëveshje Kosova i falë Malit të Zi mbi 8 mijë hektarë tokë.
Opozita madje e quan të “çmendur” dhe të papërgjegjshëm kryeministrin Isa Mustafa.
Deputetja nga radhët e Lëvizjes Vetëvendosje, Albulena Haxhiu në një prononcim për Telegrafin, ka thënë se si grup parlamentar do të bëjnë çmos për ta ndaluar ratifikimin e Demarkacionit.
“Isa Mustafa ka humbur toruan, përndryshe nuk mund të shpjegohet zelli i tij për të jetësuar një marrëveshje e cila i falë mbi 8000 ha, Malit te Zi. Ne si grup parlamentar do të bëjmë çmos që ajo marrëveshje mos te kalojë, jemi zotuar për këtë”, ka thënë Haxhiu.
Ajo ka shtuar se sjellja e kësaj marrëveshje në Kuvend, do të tensionojë situatën në vend dhe për këtë do të mbahen përgjegjës Mustafa, Thaçi dhe Veseli.
Haxhiu tutje ka theksuar se kundërshtimi i Demarkacionit do të ndodhë edhe brenda por edhe jashtë Kuvendit, me metodat dhe mjetet që kanë përdorur edhe më parë.
“Ne në vazhdimësi kemi qene konsistent sa i përket kësaj çështje dhe në vazhdimësi kemi thënë që do të bëjmë çmos që ajo marrëveshje mos të kalojë. Do te kundërshtojmë brenda dhe jashtë Kuvendit, me mjetet dhe metodat që i kemi përdorur gjer tani. Por se çfarë saktësisht, do të kuptohet në seancën e përfolur, dhe ne urojmë të mos ketë të tillë!”, u shpreh Haxhiu.
E në anën tjetër deputeti i Nisma për Kosovën, Enver Hoti ka thënë se nuk dëshiron t’i komentojë deklaratat e një kryeministri të papërgjegjshëm.
“Deri më 8 mars asnjë komentim nuk e bëjë për këtë kryeministër të papërgjegjshëm dhe ndaj një qeverie të pandershme”, ka thënë Hoti për Telegrafin.
Edhe Përfaqësuesja e lartë e Bashkimit Evropian për Punë të Jashtme dhe Politika të Sigurisë, Federica Mogherini, gjatë vizitës së saj të shtunën në Kosovë, porositi klasën politike që ta arrijnë një marrëveshje për ratifikimin e Demarkacionit në mënyrë që të fitohet liberalizimi i vizave.
“Nëse Kuvendi e voton Demarkacionin, ne, BE-ja do të lëvizim shumë shpejt në procesin e liberalizimit të vizave”, ishte mesazhi i qartë i Mogherinit./Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Bie nataliteti në Kosovë, ASK dhe MPB me statistika të ndryshme për lindjet
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë