Barcelona është duke u përgatitur për një revolucion në kuadër, duke shpresuar që të rikthehet në majat e futbollit botëror.

Skuadra katalunase po e mbyllë këtë edicion pa fituar trofe, derisa arritjen më të madhe e kanë rikthimin në Ligën e Kampionëve.

Për të mos lejuar një paraqitje të dobët si kjo në këtë sezon, Blaugranasit thuhet se do t’i largojnë së paku nëntë lojtarë.

Mundo Deportivo: Dashuri e ndërsjellët mes Manes dhe Barcelonës - senegalezi pritet të zbarkojë në Camp Nou Mundo Deportivo: Dashuri e ndërsjellët mes Manes dhe Barcelonës - senegalezi pritet të zbarkojë në Camp Nou

Frenkie De Jong, Memphis Depay, Neto, Clement Lenglet, Sergino Dest, Oscar Mingueza, Samuel Umtiti, Riqui Puig e Martin Braithwaite, janë në listën e largimeve.

Me shitjen e këtyre lojtarëve, Barcelona do të ketë mjetet të mjaftueshme për të realizuar planet e tyre.

Por, klubi nga La Liga me transferimet që dëshiron t’i realizojë, fillimisht duhet të pajtohet me ta për një pagë më të ulët, në mënyrë që t’i regjistrojnë ata pa pengesa. /Telegrafi/