Olta Gixhari ndan fotografi nga vera e kaluar, duke kujtuar figurën e saj para shtatzënisë

Olta Gixhari, aktorja e njohur dhe yll i ekranit, ka publikuar disa fotografi të saj nga vera e kaluar në rrjetet sociale, duke treguar figurën e saj mahnitëse dhe duke rikujtuar kohët para shtatzënisë së saj të dytë.

Aktorja tashmë është në muajt e fundit të pritjes së fëmijës së saj dhe ndien mungesën e pamjes së saj të mëparshme, pasi ka fituar peshë nga shtatzënia.

Gixhari u shpreh në një mënyrë të lehtë dhe me humor nëpërmjet postimeve të saj, teksa shpërndau me ndjekësit e saj fotografitë e verës së kaluar.

Me shaka, ajo i ka kërkuar ndjekësve të saj të veprojnë sikur po shohin fotografitë për herë të parë.

“Sa të bëhem prapë kështu, deri veres tjetër, do të përdor fotot e verës së shkuar. Silluni sikur po i shihni për herë të parë këto foto, ju lutem” ka shkruar Olta.

Ndjekësit e Oltës në rrjete sociale e kanë mirëpritur këtë ndarje me reagime pozitive dhe komente mbështetëse, duke i dhënë saj forca dhe duke e nxitur të shijojë këtë periudhë të veçantë të shtatzënisë.
Fotografitë e saj nga vera e mëparshme shfaqin Oltën në formë të mrekullueshme dhe shumë tërheqëse. /Telegrafi/