Oleksandr Usyk bën ankesë zyrtare, nuk dorëzohet për titullin e IBF

Kampioni ukrainas Oleksandr Usyk sapo ka fituar titull si kampion i unifikuar i peshave të rënda, duke mposhtur Tyson Fury në një luftë historike me 12 raunde, e cila për pak sa nuk e përfundoi në të 9-tin.

Pasi ekipi i tij zbuloi se atij mund t’i hiqej titulli i tij në IBF, Oleksandr Usyk vendosi të paraqesë një ankesë të premten që do ta ndihmojë atë të vonojë mbrojtjen e detyrueshme të titullit.

Në fakt, Usyk po mendon vetëm për të luftuar përsëri me Tyson Fury pasi ‘ Gypsy King ‘ u tha gazetarëve se do ta kërkonte menjëherë revanshin sapo të dy luftëtarët të shërohen.

Dorëzimi i kësaj ankese vjen tetë ditë para një përleshjeje që përfshin pretendentin e radhës për titullin mes Filip Hrgovic dhe Daniel Dubois. Kjo luftë zhvillohet më 1 qershor në “Kingdom Arena” në Riad të Arabisë Saudite.

Para se të zhvillohej lufta mes Usyk dhe Fury, boksieri ukrainas tashmë e dinte se do të vinte një vendim nga IBF dhe ekipi i tij ishte tashmë i përgatitur për të bërë një ankesë.

Por ky apel i Usykut është në të drejtën e tij dhe ai ka të gjitha avantazhet për të fituar çështjen. Lufta midis Dubois dhe Hrgovic do t’i ofrojë fituesit një goditje për titullin pasi Usyk të luftojë Furyn.

‼️ Oleksandr Usyk has now officially requested an exception to keep his IBF heavyweight world title for the Tyson Fury rematch rather than being stripped for not facing his IBF mandatory challenger Filip Hrgovic next, IBF President Daryl Peoples has confirmed. [@PugBoxing]

— Michael Benson (@MichaelBensonn) May 24, 2024

Interesi kryesor i Usykut është të mbrojë të gjitha rripat që ka dhe ato që fitoi pas ndeshjes kundër Furyt. /Telegrafi/