Offset pranon se ishte i dehur kur akuzoi Cardi B për tradhti martesore

Reperi amerikan, Offset ka mbyllur thashethemet e tradhtisë kur bëhet fjalë për martesën e tij me Cardi B.

Ndërsa yjet e rap-it nuk e kanë pasur kurrë problem të shfaqin dashurinë e tyre për njëri-tjetrin, për fat të keq, ata kohët e fundit janë përfolur për tradhti.

Megjithatë, Offset, 31 vjeç, zbuloi të hënën pasi prezantuesja Angela Yee publikoi një intervistë të re me krijuesin e hitit “Clout” për podcast-in e saj Way Up With Yee.

Gjatë takimit, Yee iu referua një postimi në InstaStory të qershorit, në të cilin Offset pretendonte se Cardi, 30 vjeçe, ishte jobesnike.

“Ajo është gruaja ime. E dua deri në vdekje”, pranoi Offset në bisedën e tij me Yee përpara se të tregonte në detaje se çfarë e shkaktoi atë fiasko të veçantë.

Ai pohoi se të dy ishin duke u grindur dhe se “nëse keni një grua nga Neë Yorku, ju e dini që ajo është një pitbull në gojë”.

Reperi vazhdoi të shpjegonte se si faktori shtytës në ngritjen e akuzave të tilla në internet nuk ishin asgjë më shumë se disa raunde të tekila.

“Ne jemi të çmendur për njëri-tjetrin”, rrëfeu Offset.

Reperi i “Migos” pranoi gjithashtu se gabimet e tij të së kaluarës vazhdojnë të ndjekin marrëdhënien e tyre.

“Të jem i sinqertë, e urrej faktin që sa herë që ajo ka një problem me dikë tjetër, ata e rikthejnë të kaluarën time. E kaluara ime e mbulojë gjithçka që kam bërë. Gjatë gjithë kësaj kohe nuk kam bërë asgjë”, tha ai.

Offset i propozoi reperes në tetor 2017 në koncertin vjetor të Power 99 të Powerhouse në Filadelfia, megjithëse Cardi më vonë pretendoi se të dy ishin tashmë të martuar.

“Një mëngjes shtatori u zgjuam dhe vendosëm të martoheshim. … Thashë po, pa fustan pa grim dhe pa unazë! … të paktën mund të ndaloni së thoni se kam pasur një fëmijë jashtë martese”, shkroi ajo në Twitter në lidhje me një ceremoni të 20 shtatorit 2017.

Lexo po ashtu E akuzoi për tradhti, Cardi B i kundërpërgjigjet bashkëshortit të saj Offset

Në shtator 2020, Cardi paraqiti kërkesë për divorc nga Offset, duke pretenduar se martesa e tyre ishte “e prishur në mënyrë të pakthyeshme” dhe “nuk ka asnjë perspektivë për një pajtim”.

Megjithatë, dyshja që atëherë i kanë zgjidhur gjërat.

Çifti kanë dy fëmijë, Kulture Kiari Cephus dhe Wave Set Cephus, i cili mbushi 1 vjeç në shtator 2023.

Offset ka gjithashtu djemtë Jordan Cephus dhe Kody Cephus dhe vajzën Kalea Marie Cephus nga lidhjet e mëparshme. /Telegrafi/