Nuk merr pjesë në Kupën e Botës, Lovren zbulon veprimin e çmendur që do ta bëjë Salah në Katar

Mbrojtësi kroat, Dejan Lovren, ka thënë se ish-bashkëlojtari i tij në Liverpool, Mo Salah, është xheloz që nuk është në Kupën e Botës.

Duke folur përpara ndeshjes hapëse të Grupit F të Kroacisë kundër Marokut të mërkurën, 33-vjeçari shprehu gjithashtu zhgënjimin e tij që Egjipti i mikut të ngushtë nuk arriti të kualifikohej në turne.

“100 për qind. Do të isha edhe xheloz. Ai tha se do të më mbështesë, është mirë ta dëgjoj këtë. Të jem i sinqertë, më vjen keq që ai nuk u kualifikua, ishte shumë afër. Por për fat të keq (Sadio) Mane ishte më i mirë”, ka deklaruar Lovren.

Me Salahun si yllin e tyre, Egjipti u afrua shumë pranë kualifikimit për në finale në Katar, duke u përballur me Senegalin në një play-off në mars.

Të dy kombet triumfuan 1-0 në ndeshjen e tyre në shtëpi të raundit të tretë të CAF, duke e lënë barazimin të përcaktohet përmes goditjeve nga penalltitë.

Salah në fund dështoi nga njëmbëdhjetë metra me ish-yllin e Reds, Sadio Mane, që vazhdoi të shënonte penalltinë vendimtare për të parë vendin e tij të arrinte në finale të kompeticionit për herë të tretë në historinë e tyre.

Edhe pse Salah nuk do të marrë pjesë në aksion gjatë turneut, Lovren zbuloi se 30-vjeçari do të udhëtojë për të parë ndeshjet drejtpërdrejt dhe bëri shaka se do të tregojë mbështetjen e tij për njerëzit e Zlatko Dalic.

“Ai tha se do të vijë, (duke mbajtur) një flamur kroat”, ka vazhduar ai

Pas përballjes me Marokun, Kroacia do të përballet me Kanadanë të dielën përpara se të përfundojë ndeshjet e saj në grup kundër Belgjikës më 1 dhjetor. /Telegrafi/