Nuk dha ndonjë shfaqje për mbamendje, por Joshua shton me miliona euro pasurinë pas fitores ndaj Franklin

Anthony Joshua ka marrë një fitore shumë të rëndësishme pasi kishte më shumë se dy vite që nuk triumfonte në ring.

Boksieri britanik ka mposhtur amerikanin Jermaine Franklin me vendim unanim të gjyqtarëve pas 12 raundeve që zgjati meçi.

Dueli i zhvilluar në O2 Arena në Londër i takoi Joshuas edhe pse nuk u shqua për një nga ato duelet që dëshiron ta rishohësh disa herë.

Përveç fitores në ring, Joshua ka shtuar edhe pasurinë e tij nga kjo përballje.

33-vjeçari ka shtuar pasurinë e tij me 10 milionë euro pas triumfit ndaj Franklin.

Në anën tjetër Franklin përkundër humbjes ka shtuar pasurinë e tij, pasi nga kjo përballje ka fituar mbi një milionë euro.

Gjithsesi mediat e ndryshme në Ishull kanë raportuar se dy boksierët mund të fitojë edhe disa para të tjera nga hyrja e biletave dhe e drejtave e transmetimit, por që ajo shumë nuk është bërë e ditur ende. /Telegrafi/