“Nuk kan besu” është titulli i këngës së re të Noizyt, të cilën e ka kompletuar edhe nga ana vizuale.

Është një këngë ritmike që i përshtatet këtij sezoni dhe pritet të pëlqehet nga fansat e shumtë të reperit.

Videoklipi që e shoqëron, krahas prezencës së miqve të Noizyt, karakterizohet edhe me femra atraktive, vetura dhe vende luksoze.

Për muzikën është kujdesur labeli OTR Records, ndërsa si zakonisht, tekstin e ka shkruar Rigels Rajku.

Fatlum Nerguti dhe Endi Hoxha janë kujdesur për xhirimin e videoklipit muzikor të kësaj kënge. /Telegrafi/