Njihuni me terapinë Bowen: Hapni rrugën drejt shëndetit të përsosur me prekje

Ka teknika të shumta terapeutike në fizioterapi, mirëpo dhjetë vjetët e fundit teknika e terapisë Bowen po merr gjithnjë e më rëndësi në botë

Stimulimet terapeutike nxisin përgjigje kthyese të sistemit qendror nervor, i cili pastaj udhëton deri te lokacionet përkatëse.

Të nxitura me përgjigjen SNQ, në ato lokacione fillojnë proceset me ndihmën e të cilave organizmi vetëbalancohet, rrit dhe përshpejton procesin e përmirësimit të indeve dhe strukturave të ndryshme në trup.

Kjo metodë në mënyrë origjinale është zhvilluar në Australi dhe stimulon trupin që të shkojë në drejtim të vetëshërimit, transmeton Telegrafi.

Teknika Bowen është një teknikë e cila bën pjesë në mjekësinë jokonvencionale dhe në rend të parë është teknikë manuale.

Aplikohet me ndihmën e prekjeve, por nuk përjashton edhe teknika të tjera të cilat aplikohen në fizioterapi. Ka një përdorim të gjerë dhe nuk është edhe aq e panjohur.

Në çfarë bazohet kjo teknikë?

– Indikacionet janë të gjera, mund të përdoret për të gjitha gjendjet dhe diagnozat. Rezultati më i mirë jep në gjendje akute, lëndime, dhimbje, nevralgji etj. Është e mirë në sëmundjet kardiovaskulare, në sëmundjet endokrine, në sëmundjet e sistemit nervor. Sepse është një procedurë holistike që prek të gjithë trupin.

Ne nuk jemi vetëm trup fizik, por edhe energjik, shpirtëror, ndaj aplikimi i teknikës bowen prek të gjithë komponentët. Trupit i jepen detyra shtëpie dhe trupi vlerëson vetëm atë që është më urgjente për të në atë moment, përpiqet dhe e zgjidh vetë problemin.

Me këtë teknikë ne dërgojmë informacion në trup për të zgjidhur problemin parësor. Ai zgjidh problemin akut që po ndodh.

/Telegrafi/