Njihuni me klubin që ka mbetur larg shtëpisë shkaku i coronavirusit – Wuhan Zall po qëndron në Spanjë, lojtarët të mërzitur për familjet
Gjërat dukeshin se ishin në ngritje në klubin kinez të Superligës, Wuhan Zall – derisa koronavirusi shpërtheu dhe ktheu gjithçka përmbys.
Klubi pati sezonin e tyre më të mirë në vitin 2019, por ata kanë kaluar javët e para të vitit 2020 në mërgim pasi qyteti i tyre i lindjes u bë epiqendra e një krize ndërkombëtare.
Wuhan Zall u formuan në vitin 2009, një muaj pasi klubi paraardhës Wuhan Guanggu u shua në rrethana të çuditshme.
Pasi u dënua një lojtar i tyre për tetë ndeshje, që ishte edhe ylli i ekipit, klubi Guanggu u zemërua aq shumë sa që u tërhoqën nga Super Liga kineze.
Klubi u fut në Superligë në vitin 2013. Kalimi i klubit në elitën e futbollit kinez nuk shkoi shumë mirë, duke rënë përsëri në një nivel më poshtë, ku luajtën për pesë vite të tjera.
Ciro Ferrara, dikur lojtar i Juventusit, ishte në mesin e menaxherëve që u treguan të paaftë për të dhënë sukses në këtë klub.
Gjërat ndryshuan kur ish-mesfushori i Evertonit, Li Tie erdhi si trajner, duke e udhëhequr klubin drejt titullit të kategorisë së dytë dhe më pas e mbyllën sezonin në vendin e gjashtë në Superligë, ku Stephane Mbia, ishte një nga yjet e skuadrës.
Por trajneri Li Tie u largua në fillim të janarit duke u bë trajneri i ri i kombëtares kineze.
Pastaj, coronavirusi ndryshoi gjithçka.
Qëndrimi në Spanjë dhe klubet që nuk pranuan të luajnë ndaj tyre
Sëmundja e ndaloi skuadrën të kthehej në shtëpi: ata ishin në një pjesë tjetër të Kinës, kur u njoftuan për shpërthimin e coronavirusit, dhe qyteti u mbyll.
Ata udhëtuan për një kamp stërvitor në Spanjë, por klubi ruse Krasnodar dhe ai Europa i Gjibraltarit, anuluan ndeshjet miqësore me ta, pavarësisht se asnjë lojtar nga kontingjenti kinez nuk tregonte shenja infektimi.
Fillimi i sezonit në Superligë është shtyrë, ndërsa dy klubet Wuhan Zall dhe Dalian Yifang i Rafa Benitez kishin mbetur në harresë në Costa del Sol.
Megjithëse Real Madridi i ftoi ata si mysafirë për të parë El Clasico muajin e shkuar.
Situata në ekip dhe lojtarët që telefonojnë familjet e tyre çdo ditë
Në Spanjë kanë mbetur të ngujuar 50 anëtarë të delegacionit të ekipit kinez, dhe ata çdo ditë kontaktojnë të afërmit e tyre në Wuhan.
Janë 14 lojtarë të skuadrës që vijnë nga Wuhani dhe disa prej tyre kanë fëmijë të vegjël në qytetin e goditur nga koronavirusi.
Gjyshja e njërit prej lojtarëve ka humbur jetën për shkak të virusit.
“Lojtarët kanë qenë larg shtëpisë për më shumë se dy muaj. Nuk kanë mundur të festojnë me familjet e tyre një festë të rëndësishme. Ata flasin me familjarë përmes telefonit dhe e dinë që njerëzit atje janë të bllokuar në shtëpitë e tyre dhe nuk mund të jetojnë jetë normale”, ka treguar prej nga përgjegjësit e ekipit.
Lojtarët e vlerësojnë Wuhanin qytet heroik dhe shprehin besim për një fitore përfundimtare mbi virusin që ka prekur thuajse 100 mijë njerëz në Kinë.
“Nuk ka qenë e lehtë për asnjërin prej lojtarëve. Na mungojnë shokët e sidomos familjet. Familjarët tanë po kalojnë një moment shumë të vështirë”, ka thënë Yao Hanlin, kapiten i ekipit.
Skuadra vazhdon me plan stërvitor, ndërsa lojtarët mundohen të flasin sa më pak për virusin, por kjo është thuajse e pamundur.
Disa shpresojnë që kthimi në Wuhan do të jetë i mundur në mes të prillit, por kjo nuk është e sigurt.
“Unë nuk po ndjehem i rrezikuar. Thjeshtë shpresoj që çdo gjë do të bëhet më mirë që të mund të kthehemi në shtëpi. Jemi të brengosur, por po besojmë se çdo gjë është nën kontroll”, ka thënë një pjesëtar i stafit.
Ndeshjet e futbollit në Kinë janë shtyrë për më vonë. Vetëm një skuadër e Superligës, nga 16 gjithsej, nuk është larguar nga vendi.
Kur të kthehen në shtëpi, Wuhan Zall do të gjejë një qytet shumë të ndryshëm me atë që kanë lënë pas. /Telegrafi/
Lufta Prigozhin - Putin
Më shumëNga Rubrika
Sacchi sugjeron katër nënshkrime të verës për Milanin dhe shpreson që Pioli të qëndrojë
“Shpirti im nuk do të ishte i qetë nëse nuk do ta kisha bërë”, tifozi slloven zbulon detajet pasi që puthi Ronaldon
Southgate thyen heshtjen pas ‘arsyes së vërtetë’ të White për mospërfilljen e Anglisë
"Unë thjeshtë dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Gol fenomenal nga Xherdan Shaqiri prej gjuajtjes së lirë
Zbulohen dhe renditen 10 sulmuesit më të mirë të të gjitha kohërave, shumë befasi në listë
Kompletohen grupet e Euro 2024 pas kualifikimit të tri kombëtareve të fundit
Philipp Lahm parashikon se kush do ta fitojë Euro 2024 - kërkon një befasi të madhe
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes