Një truk njësekondësh ju qetëson menjëherë: Një neuroshkencëtar shpjegon se si frymëmarrja e dyfishtë funksionon në stres

Një mënyrë e thjeshtë për t’u kujdesur seriozisht për trupin tuaj

Siç e dimë të gjithë, stresi është bërë shoqëruesi ynë i vazhdueshëm dhe, nëse nuk mund ta kontrollojmë sistemin tonë nervor dhe reagimin tonë ndaj situatave stresuese, shëndeti ynë i përgjithshëm rrezikohet.

Duket se ne jemi gjithmonë në kërkim të mënyrave për të ulur nivelet tona të stresit, qoftë nëpërmjet ushqimit, stërvitjes apo përpjekjeve të ndryshme për pushim dhe relaksim.

Andrew Huberman është një neuroshkencëtar dhe studiues në Universitetin e Stanfordit.

Në një video në TikTok, ai shpjegoi një teknikë të lehtë dhe të arritshme për qetësim të shpejtë, transmeton Telegrafi.

Huberman tha: “Psherëtima fiziologjike është mënyra më e shpejtë, e garantuar për të eliminuar shpejt, në kohë reale, këtë përgjigje stresi në trupin tonë”.

 #neuroscience #andrewhuberman #neuroscientist #hubermanlab #breathing ♬ origineel geluid – Neurolab

Ai thotë se një psherëtimë fiziologjike është diçka që ne e bëjmë në mënyrë spontane. Por kur ndiheni të stresuar, mund të bëni një frymëmarrje të dyfishtë dhe një nxjerrje të gjatë fryme.

Huberman shpjegoi arsyen pse thithja e ajrit dy herë radhazi dhe më pas nxjerrja krijon një ndjenjë të menjëhershme qetësie.

Ai përshkroi se si përbëhen në të vërtetë mushkëritë tona: “Mushkëritë tuaja nuk janë vetëm dy çanta të mëdha, ju keni miliona çanta të vogla në mushkëri që në fakt e bëjnë sipërfaqen e mushkërive tuaja aq të madhe sa një fushë tenisi. Ato priren të shemben kur jemi të stresuar”.

Ai përsëriti rëndësinë e frymëmarrjes, në mënyrë që të çlirojmë tensionin që mbajmë në trupin tonë, vetëm për shkak të të qenit gjallë.

Kur bëni një thithje të dyfishtë, nxirrni frymën, ndërsa thithja e dyfishtë fryn përsëri ato qese të vogla në mushkëri”, shpjegoi ai. “Dhe më pas, kur ju merrni frymë gjatë, ajo frymë është shumë më efektive në çlirimin e trupit dhe qarkullimin e gjakut nga dioksidi i karbonit, i cili ju relakson shumë shpejt.” /Telegrafi/