Një analizë me detaje për Kai Havertz: Pse ai është zbulimi i Bundesligës dhe lojtari më i kërkuar nga klubet e mëdha

Kai Havertz me të vërtetë ka tërhequr vëmendjen gjatë javëve të fundit pasi 20-vjeçari ka shkëlqyer më fanellën e Bayer Leverkusen.

Shumë klube janë vënë pas tij, përfshirë emra si Juventus, Bayern Munich, Chelsea, Liverpool, Manchester United, Manchester City, Liverpool e Real Madridi.

Marca në bashkëpunim me MBP School (shkollë e trajnerëve), ka analizuar Havertzin, dhe ka treguar pse është kaq efektiv në rifillimi e Bundesligës.

Më poshtë i gjeni disa nga arsyet pse ai po tregohet lojtar me potencial të madh.

---

Lëvizjet sulmuese

Edhe pse kryeson sulmin në letër, Havertz është jashtëzakonisht i vështirë për tu ndjekur në fushë.

Ai di të dal përpara mbrojtësve dhe është në gjendje të lëvizë lirshëm në fushë falë ritmit dhe perceptimit të kohës.

Inteligjenca dhe lëvizjet e tij e bëjnë të pamundur të parashikohet.

---

Kombinimet në lojë 

Lidhja me shokët e skuadrës është një nga pjesët kryesore që një sulmuesi i llojit të Havertz duhet ta ketë, dhe ai e bënë këtë shumë mirë dhe kombinon vazhdimisht jo vetëm me top, por edhe me lëvizje.

Gjatë ndeshjeve, Havertz shihet se si kombinon me shokët e tij të skuadrës duke u dhënë atyre topin dhe duke e marrë atë pastaj në një pozitë më të mirë.

Inteligjenca e gjermanit i lejon atij të bëjë pasimin në kohën dhe kohën e duhur, në mënyrë që të mund ta marrë topin përsëri pak më përpara.

---

Futja në zonë

Shpejtësia e Havertzit, ia lejon atij që të jetë në vendin e duhur në kohën e duhur për të shënuar gola.

Siç mund ta shihni nga këto foto, kapiteni i Leverkusenit di të vrapojë shpejtë dhe të jetë në vendin e duhur kur vije pasimi në zonë.

Sa më i mirë është pozicionimi i tij, aq më shumë shanse ka që ta gjejë portën.

---

Parashikim

Inteligjenca dhe leximi i lojës e tejkalon moshën që Havertz ka. Lëvizja e tij e mençur ia lejon atij që t’i humbasë mbrojtësit që i ka pas shpine dhe të krijojë më shumë hapësirë ​​për veten e tij, por edhe bashkëlojtarët.

Në këto imazhe, ne e shohim atë të kërkojë topin, duke sjellë një mbrojtës me vete, përpara se të pasoj pas shpinës së mbrojtjes dhe të vrapoj përsëri drejt portës.

---

Përmbledhja

Kjo analizë nxjerr në pah katër arsyet kyçe të suksesit të Havertz.

1. Aftësia për t’i ikur mbrojtësit që e ruan pas shpine me lëvizjet e tij.
2. Kombinimet me shokët e skuadrës për të krijuar ose bërë raste për ta dhe për vetën.
3. Leximi i lojës për tu futur në pozicione të mira shënimi.
4. Vrapimet inteligjente, lëvizja në thellësi dhe në hapësirë që janë ​​të hapur në zonat e rrezikshme.

---

/Telegrafi/