Muzikanti Nick Jonas u diagnostikua me diabet tip 1 katërmbëdhjetë vjet më parë (kur ishte 13 vjeçar). Jo për çudi, ai befasoi fansat duke postuar në Instagram se nuk ishte gjithmonë e lehtë.

“Para 14 vitesh në këtë muaj (në nëntor) u diagnostikova me diabet tip 1. Kjo përvojë ka formuar qasjen time ndaj shëndetit – stërvitje, ushqim të shëndetshëm dhe gjithmonë duke menduar për sheqerin në gjak dhe kërkesat e insulinës”.

“Jo gjithmonë mund të shihni se çfarë ndodh kur përballeni me një sëmundje të padukshme dhe për shkak të diabetit mund të ndjeheni të vetmuar dhe të izoluar”, ka shkruar ai në një postim në rrjetet sociale.

Nick u diagnostikua me diabet në të njëjtin vit kur ai themeloi grupin muzikor, “Jonas Brothers”, me vëllezërit e tij, Kevin dhe Joe.

Për shkak të sëmundjes, ai vendosi të themelojë një organizatë jofitimprurëse që dëshiron t’i bëjë njerëzit të vetëdijshëm për sëmundjet kronike.

Ndryshe, Nick është i martuar me Priyanka Chopra me të cilën do ta festojnë përvjetorin e parë të martesës në dhjetor.

(Nga e majt( Nick Jonas, Joe Jonas dhe Kevin Jonas nga “Jonas Brothers” (Foto: Kevin Winter/Getty Images for RADIO.COM/Guliver)