Një demonstrues palestinez sot ka ndërruar jetë, kurse dhjetëra tjerë janë plagosur me armë zjarri gjatë demonstratave në Bregun Perëndimor, ka njoftuar ministria palestineze e Shëndetësisë.

E ushtria izraelite ka njoftuar se demonstruesit kishin shtënë mbi ushtarët, dhe se dy prej ushtarëve izraelitë janë plagosur në këmbë, transmeton Telegrafi.

Demonstruesit palestinezë shpesh përplasen me ushtrinë izraelitë në Bregun Perëndimor, por demonstruesit rrallë herë shihen të armatosur me armë zjarri.

Ministria palestineze ka njoftuar se është vrarë një 25-vjeçar nga Palestina, dhe se 46 tjerë janë plagosur përfshirë 16 me armë zjarri – ku katër prej tyre janë në gjendje të rëndë.

Qindra demonstrues ishin mbledhur në Ramalla, për të protestuar kundër veprimeve ushtarake të Izraelit në Rripin e Gazës.

Ata kishin djegur  goma të veturave dhe kishin hedhur gurë në drejtim të ushtarëve izraelitë që i shpërndanë me gaz lotsjellës. /Telegrafi/