LAJMI I FUNDIT:

Neymar braktis fushën duke qarë, humb “Copa America” pasi lëndoi ligamentet

Neymar braktis fushën duke qarë, humb “Copa America” pasi lëndoi ligamentet

Neymar do të humbasë kampionatin “Copa America” për shkak të një lëndimi të rëndë gjatë ditës së djeshme.

Braziliani u lëndua mbrëmë në një ndeshje miqësore kundër përzgjedhjes së Katarit.

Futbollisti braktisi fushën e blertë në të 21 minutë dhe testet mjekësore konfirmuan se ishte një këputje e ligamentit.

Për shkak të seriozitetit të lëndimit, sulmuesi i PSG-së nuk do të jetë në dispozicion të përzgjedhësit Tite. Në fund të ndeshjes, Neymar u largua nga stadiumi me ndihmën e stafit mjekësor.

Theksojmë se Brazili mundi Katarin 2-0, me gola të shënuar nga sulmuesit, Richarlison dhe Gabriel Jesus.

Ndryshe, “Copa America” është në program nga 14 qershori deri më 7 korrik në Brazil. “Kariokët” janë të vendosur në grupin A me Bolivinë, Venezuelë dhe Perun. /Telegrafi/