Pothuajse dy të tretat e restoranteve të New Yorkut mund të mbyllen deri në fillim të muajit janar të vitit të ardhshëm nëse nuk do të ndihmohen nga qeveria amerikane, thotë një studim i ri.

Restorantet në afërsi të “Empire State Building” po luftojnë për të qëndruar në biznes që kur pandemia e coronavirusit i detyroi ata të mbyllen në muajin mars të këtij viti, raporton CNN.

Kjo si duket ka bërë që të ndërmerr masa guvernatori i shtetit, Andrew Cuomo, i cili sapo njoftoi se shërbimet në ambiente të mbyllura të restoranteve të qytetit njujorkez mund të rifillojë më 30 shtator, transmeton Telegrafi.

Gati 64 për qind e restoranteve të New Yorkut mund të mbyllen deri në janar Gati 64 për qind e restoranteve të New Yorkut mund të mbyllen deri në janar

Restorantet duhet të veprojnë me kapacitet prej 25 për qind dhe të ndjekin kufizime të rrepta, përfshirë kontrollin e temperaturës së mysafirëve deri te ndalimi i shërbimit te bari.

Më poshtë gjenden nëntë kushtet që duhet t’i plotësojnë restorantet:

1. Lejohet shfrytëzimi i hapësirave deri në 25 për qind
2. Duhet tu matet temperatura te deri çdo klienti
3. Restoranti duhet t’i ruajë informacionet rreth klientit të infektuar në rast se nevojitet gjurmimi i kontakteve
4. Ndalohet shërbimi pas mesnatës
5. Ndalohet shërbimi në bar (shank)
6. Maskat duhet të vendosen nëse nuk jeni të ulur në tavolinë.
7. Tavolinat duhet të jenë larg njëra-tjetrës dy metra
8. Përmirësim i filtrimit të ajrit, ventilimit dhe pastrimit
9. Urdhrat duhet të zbatohen në mënyrë strikte /Telegrafi/