Nëse Messit i mungonte një moment që do të mbetet ikonë në Kupat e Botës, tashmë ai e ka: Vallëzimi i tij me Gvardiol do të futet në histori

Lionel Messi edhe pse në moshën 35 vjeçare, tregoi edhe njëherë një ndeshje të madhe ndaj Kroacisë, ku shënoi dhe asistoi në fitore me rezultat 3-0, për ta dërguar skuadrën e tij  në finale .

Te harrojmë për një moment golin që erdhi nga penalltia dhe të ndalemi te asistimi.

Zhvillohej minuta e 69-të e ndeshjes kur Leo Messi merr një tonë në anën e djathtë të fushës, 40 metra larg portës. Numri 10-të i Argjentinës, takohet me Josko Gvardiol, njëri prej më të mirëve në këtë kampionat botëror.

Messi me top në këmbë merrte teren dhe Gvardiol e ndiqte. Në gjysmë të rrugës, 10-shi ndaloi dhe i ktheu shpinën. U duk se do të tërhiqej, por ai bëri dy hapa prapa dhe sulmoi sërish me më shumë forcë.

Leo ia mori kohën dhe e kaloi, për tu futur në zonë dhe për të asistuar te Julian Alvarez, i cili do të mbetet në histori si lojtari që shtyu topin në rrjetë pas lojës së bukur të Leos.

🇦🇷 Messi – 35 años
🇭🇷 Gvardiol – 20 añospic.twitter.com/BKEcYqbkKo

— A PRESIÓN 🎙️ (@apresion1) December 13, 2022

Si ‘Loja e Leos’, po shihet ai moment që do të mbetet ikonik në një Kupë Bote. Nëse ju mungonte një kornizë për tregimin, tashmë e keni. /Telegrafi/