Në përvjetorin e martesës së saj, këngëtarja Ertila Koka rrëfen detaje nga dasma

Këngëtarja Ertila Koka këtë fundjavë ka qenë mysafire në emisionin ‘Një kat më lart’ që transmetohet në IN TV. Në gusht bëhet një vit nga dasma e saj, dasmë që s’mund të mungonte në bisedën me moderatorin Ermal Peçi.

Me shaka ai e ngacmoi rreth të ftuarve e nëse ndonjë prej tyre, siç ndodh, u ankua për ushqimet apo vonesa gjatë ceremonisë. Njëherësh, ai e ka pyetur edhe se çfarë kishin zarfet e të ftuarve dhe a ishte ndonjë befasi.

Sot ora 17:00 e ftuar ne emisionin #njekatmelart @ermal.peci mos e humbisni ❤️

A post shared by Ertila Koka (@ertilakoka) on Jul 28, 2018 at 5:16am PDT

“Jo se ishte dasma ime, po shkoi gjithçka shumë bukur. Kisha dhe shumë kolegë, mirë që i mblodha për shkak të sezonit”.

“Para ceremonisë është një makth. Mishi, ushqimi ishte mirë, s’u ankuan. U vonua pak kokteji. Zarfet? Kishte edhe me euro, edhe me lekë… Kishte edhe nga ato me 2.000 lek, edhe pa gjë fare”, ka treguar ajo.

Gjatë bisedës, Ertila ka treguar se si u njoh me partnerin, si ia kishte prezantuar babait, si edhe detaje të tjera për romancën e saj.

Këngëtarja simpatike i dha fund beqarisë në gusht të vitit 2017 duke e kurorëzuar dashurinë disavjeçare me partnerin e saj, Edgar.

Ata ishin fejuar në vitin 2014 pas dy vitesh lidhjeje, ndërsa ishin njohur në një mënyrë krejt të veçantë saqë mund të thuhet se ka qenë dashuri me shikim të parë.