0Shares

Muzikanti ikonik, Vic Damone, ka ndërruar jetë në moshë 89 vjeçare.

Këngëtari, i cili u zbulua nga Frank Sinatra, ka ndërruar jetë në një spital në Miami Beach të Floridës, i rrethuar nga familjarët e tij.

(Foto: Getty Images)

Damone ishte pjesë e gjeneratës së artë që u bënë të famshëm pas Luftës së Dytë Botërore – ku përfshihen Sinatra, Tony Bennett, Dean Martin dhe Perry Como.

Ai ishte më së shumti i njohur për hitet, si “You’re Breaking My Heart” dhe “On the Street Where You Live”.

Këngëtari ka incizuar plot 2.500 këngë gjatë karrierës së tij, ndërsa në vitet e gjashtëdhjeta ka aktruar në seriale televizive dhe në filma.

(Foto: Getty Images)

Legjendari Sinatra e kishte zbuluar talentin e Damones duke luajtur poker në banesën e një miku në New York në vitin 1946, raporton Fox.

Vic e kishte kënduar hitin e Sinatras, “Night and Day” dhe këngëtari legjendar ishte befasuar nga zëri i tij, prandaj e kishte ftuar ta ndiqte karrierën muzikore. /Telegrafi/

Të Ngjajshme
Shfaq Komentet (0)