Nadal u eliminua në raundin e dytë të Australian Open pas një lëndimi

Kampioni në fuqi, Rafael Nadal u eliminua nga Australian Open të mërkurën në mëngjes pasi lëndoi ijën e këmbës së majtë dhe humbi ndaj Mackenzie McDonald (6-4, 6-4, 7-5) në raundin e dytë, duke i dhënë fund garës për të fituar Grand Slamin e 23-të në karrierë.

Nadali humbi setin e parë dhe po zmbrapsej në të dytin, ndërsa humbi edhe të trein kundër amerikanit të renditur në vendin e 65-të.

Megjithatë, humbja e spanjollit erdhi pas një lëndimi të pësuar gjatë ndeshjes.

Ai u vizitua nga një trajner në vijën anësore, më pas u largua nga fusha për një ‘timeout’ mjekësor. Në tribunë, gruaja e tij fshiu lotët.

McDonald's BIG moment in Melbourne 🙌@mackiemacster • #AusOpen • #AO2023 pic.twitter.com/W05rZjmbZQ

— #AusOpen (@AustralianOpen) January 18, 2023

Largimi më i hershëm i Nadalit në ndonjë turne Grand Slam që nga viti 2016

Ndonëse Nadal ishte i vendosur për të përfunduar ndeshjen, ishte e qartë se kampioni i madh ishte i komprometuar fizikisht dhe ëndrrat e tij për të mbrojtur titullin u zhdukën.

Ky është eliminimi më i hershëm i Nadalit në çdo turne Grand Slam që kur u eliminua në raundin e parë në Melburn më 2016 kundër bashkëkombësit të tij, Fernando Verdasco.

Mission accomplished for @mackiemacster 🇺🇸

The impressive American has beaten Nadal 6-4 6-4 7-5. @wwos • @espn • @eurosport • @wowowtennis • #AusOpen • #AO2023 pic.twitter.com/fkaTpk11te

— #AusOpen (@AustralianOpen) January 18, 2023

Ndryshe, McDonald kurrë nuk e ka kaluar raundin e katërt në një turne madhor.

Në ndeshjen e tij të vetme të mëparshme kundër Nadalit, në French Open 2020, McDonald fitoi gjithsej vetëm katër ‘games’. /Telegrafi/