LAJMI I FUNDIT:

Musliu: Videoja e realizuar në barrikada shfaq prezencën e inteligjencës ruse në veri të Kosovës

Musliu: Videoja e realizuar në barrikada shfaq prezencën e inteligjencës ruse në veri të Kosovës

Eksperti i sigurisë Agim Musliu, thotë se videoja me persona të armatosur në barrikadat në veri ka mundur të dalë aksidentalisht apo u është shitur shërbimeve inteligjente të huaja.

Në një video të publikuar nga mediumi boshnjak Istraga, shihen disa persona të armatosur me automatik duke qëndruar në barrikada te pjesa veriore e Kosovës.

Ajo që bie në sy në këtë video është simboli i të ashtuquajturës Qendra Humanitare Ruso-Serbe që ndodhet në Nish të Serbisë.

Musliu thotë se videoja e tillë më së miri shpërfaq prezencën ruse në barrikadat në veriun e Kosovës.

“Këta (rusët dhe serbët) e kanë bërë hapur regjistrimin e kësaj videoje, duke mos u frikësuar aspak për ekspozimin e logos së qendrës së spiunazhit rus në Nish të Serbisë (RSHC – Russian Serbian Humanitarian Center)”.

“Për laikët, spiunazhi askund në botë nuk e hap ndonjë qendër dhe t’ia vë emrin “inteligjencë” ose “spiunazh”. Por, e fsheh aktivitetin e tij me forma të tjera. Në këtë rast, me “humanitar””.

Megjithatë sipas Musliut mbetet misterioze si doli në publik kjo video.

“Serbët e mohuan këtë. Por, ata e kanë mohuar çdo gjë që e kanë bërë: Srebrenicën, Reçakun e shumë masakra të tjera. Madje vet i kanë bërë edhe vrasjet e fëmijëve të vet dhe këtë ua kanë mveshur të tjerëve – Panda në Pejë”, shkruan Musliu.

Ai thotë se nëse inteligjenca e Kosovës apo e ndonjë shërbimi partner, veçmas amerikanëve apo britanikëve e ka nxjerrë këtë video, kjo është perfekte.

“Megjithatë, një e di: videoja është realizuar nga njëri nga kriminelët aty në atë barrikadë, dhe ose ia ka shitur ndonjë shërbimi të inteligjencës, ose këtë të fundit, përmes sulmeve kibernetike e kanë nxjerrë nga smartphoni i kriminelit serb në barrikada”.

Musliu konfirmon se videoja është aktuale pasi njëri prej personave që qëndron në barrikadë shihet duke parë një video ku Vuçiqi u adresohet qytetarëve të premten pasdite.

“Videoja është realizuar të premten në mbrëmje ose të shtunën në mbrëmje. Sepse kriminelët shihen se e shikojnë videon kur Vuçiqi ka folur të premten pasdite. Në anën tjetër, videoja është publikuar dje në mëngjes”, ka shkruar Musliu./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori