Drita ka arritur një pikë të vlefshme nga udhëtimi në Skenderaj duke barazuar me Drenicën 1-1.
Ndeshja filloi me gjysmë ore vonesë pasi në stadium nuk ishin të pranishëm Policia e Kosovës.
Skuadra e drejtuar nga Ismet Munishi e nisi më mirë takimin duke shënuar qysh në minutat e para.
Ishte super sulmuesi i talentuar, Leotrim Kryeziu që realizoi gol vetëm pas tre minutash lojë.
Gjilanasit e motivuar luajtën një ndeshje të mirë në pjesën e parë duke kontrolluar topin dhe duke rrezikuar portën e vendasve.
Por me të filluar pjesa e dytë Drenica arriti ta barazonte rezultatin në 1-1.
Qendërsulmuesi i vendasve, njëherit golashënuesi më i mirë i kuqezinjve, Granit Arifaj shënoi me kokë për t’i barazuar shifrat në 1-1.
Me rezultatin e barabartë 1-1 përfundoi ndeshja e parë e Ismet Munishit në krye të Dritës.
Pas këtij barazimi Drita i ikë pozitës së fundit dhe tani ndodhet në të 11-tën me pesë pikë të tubuara, ndërsa Drenica në pozitën e shtatë me 13 sosh. /Telegrafi/
Drenica - Drita 1-1
Granit Arifaj (51) - Leotrim Kryeziu (3)
