Zëvendëskryeministri i Kosovës, Besnik Bislimi, i ka fajësuar ndërmjetësuesit në Bruksel për moszbatimin e udhërrëfyesit për energjinë, për të cilin Kosova e Serbia u pajtuan në qershor të vitit të kaluar.
Në bazë të kësaj marrëveshje parashihej që të fillojë faturimi i energjisë elektrike në komunat në veri të vendit. Megjithatë, një gjë e tillë ende nuk ka ndodhur.
Në një konferencë për media të mërkurën, Bislimi ka thënë se Kosova është e vetmja palë e cila në plotëni ka përmbushur obligimet e saj të kësaj marrëveshje.
“Udhërrëfyesi për energjinë ka paraparë që gjendja me energji të normalizohet deri në tetor dhe për normalizim të situatës me energji është dashur që të zbatohen disa veprime nga Qeveria, KEDS-i, KOSTT-i, BE-ja dhe Elektroserveri. E vetmja palë e cila në plotëni ka përmbushur obligimet e saj është Qeveria e Kosovës e cila e ka licencuar Elektroserverin brenda 48 orëve pas nënshkrimit të udhërrëfyesit dhe e ka pajisur me kodin e identifikimit për energji”.
Sipas tij, pika që ka mbetur pa përmbushur është dërgimi i të dhënave të plota të konsumatorëve që është dashur të kryhen nga Elektroserveri brenda një afati shtatëditor, por që nuk ka ndodhur as deri sot.
“Janë nënshkruar edhe marrëveshjet mes KOSTT-it dhe Elektroserverit. Ato pika që kanë mbetur pa përmbushur janë dërgimi i të dhënave të plota të konsumatorëve që është dashur të kryhen nga Elektroserveri brenda një afati shtatëditor, por që nuk ka ndodhur as deri sot përveç disa të dhënave të falsifikuara që janë dërguar pas 100 ditësh. Nuk është përmbushur as pika e nënshkrimit të kontratës kornizë me KEDS-it dhe Elektroserverit”.
“Po ashtu, nuk është përmbushur as pika 5 e marrëveshjes, e cila kërkon që KEDS dhe KOSTT të kenë qasje të vazhdueshme dhe të përhershme në stacionin në Vallaq. Arsyeja pse nuk është finalizuar kjo marrëveshje qëndron në rezistencën e Elektroserverit që të nënshkruajë marrëveshje sipas udhërrëfyesit”.
“Ata insistojnë në respektimin e një marrëveshje që gjoja e kanë nënshkruar me KEDS-in në Stamboll, e cila nuk ka të bëjë asgjë me marrëveshjen e Brukselit. Mendoj se një pjesë bukur të madhe të fajit për moszbatimin e marrëveshjes e ka Brukseli”, është shprehur Bislimi.
Tutje, ai ka thënë se ndërmjetësuesit në Bruksel jo vetëm që e kanë toleruar takimin në Stamboll, por edhe kanë dërguar sinjale të gabueshme te Elektroserveri përmes interpretimeve të neneve të gabueshme të marrëveshjeve që s’kanë të bëjnë asgjë me marrëveshjen e Brukselit. /Telegrafi/
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
24 orë na ndajnë nga ngjarja e madhe Halving në Bitcoin
Mesazhet iraniane ulën çmimet e naftës në tregun botëror
Kosova përfiton 90 milionë euro nga Banka Botërore
3, 2, 1 - Volvo gati për ty!
Telegrafi fuqizon shërbimet e marketingut duke sjell reklamim atraktiv
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi