Kompania Monego ishte mbyllur nga Banka Qendrore e Kosovës, me arsyetimin se kanë devijuar nga planet e biznesit.
Investitorët e Monego sot në konferencë për shtyp paralajmëruan se javën tjetër do të paraqesin një kërkesë në gjykatë për shtyrjen e ekzekutimit të vendimit të Bankës Qendrore të Kosovës për mbylljen e kompanisë.
Aldis Umblejs, përfaqësues i aksionarëve të Monego, tha se ata kanë plane afatgjata operacionale në Kosovë dhe se janë të gatshëm të gjejnë një dialog me autoritetet mbikëqyrëse për të rifituar licencën.
“Operacionet tona gjithmonë kanë qenë të bazuara në transparencë, në parimet më të larta të qeverisjes korporative dhe përgjegjësi ndaj vendit në të cilin veprojmë. Ne gjithmonë i kemi respektuar të gjitha ligjet dhe rregulloret në Kosovë sepse duam të punojmë këtu në plan afatgjatë. Prandaj vendimi i Bankës Qendrore të Kosovës ishte një befasi për ne”, tha Aldis Umblejs, përfaqësues i aksionarëve të Monego.
Sipas tij, zgjidhja më e mirë do të ishte vendosja e një mase të përkohshme që do t’i lejonte të drejtonin biznesin e tyre derisa gjykata të vendosë nëse vendimi ishte legjitim.
Kjo gjithashtu do të largonte çdo shqetësim në lidhje me aftësinë e likuiduesit të caktuar për të siguruar ri-kthimin e investimeve të aksionarëve Monego.
“Ne ndjejmë përgjegjësi ndaj punonjësve dhe klientëve tanë që të gjejmë mënyrën e rikthimit të licencës së Monego-s. Vendimi i likuiduesit Visar Zeneli për pezullimin e degëve krijon pasiguri të vendeve të punës për 250 punonjës të kompanisë në Kosovë. Andaj, ne i kërkojmë likuiduesit Zeneli, të ketë transparencë të plotë në aktivitetet e tij, ndërsa nga Banka Qendrore kërkojmë që të konfirmojë që të gjitha fondet Monego do të ri-kthehen, duke filluar me gjërat bazike-hapjen e degëve në mënyrë që njerëzit të mund të paguajnë kreditë e tyre,” deklaroi Umblejs.
Ndërsa, avokati Arianit Koci tha se vendimi i Bankës Qendrore të Kosovës për revokimin e licencës së Monego është i paqëndrueshëm.
“Unë mendoj se zgjidhja më e mirë për të adresuar situatën aktuale do të ishte vendosja e një mase të përkohshme që do t’i lejonte investitorit të Monego të drejtojë biznesin e tij, derisa gjykata të vendosë nëse vendimi i Bankës Qendrore ishte i ligjshëm. Ne besojmë se një vendim i tillë gjithashtu do të largonte çdo shqetësim në lidhje me aftësinë e likuiduesit të caktuar për të siguruar rikuperimin e investimeve të Monego”, tha Koci.
Banka Qendrore, në vendimin e saj për revokimin e licencës, thekson se aktivitetet e Monego nuk ishin në përputhje me planin e biznesit të kompanisë. Por, sipas avokatit Koci referimi në planin e biznesit si një dokument ligjërisht detyrues është një keqinterpretim i ligjit.
“Arsyet për revokimin e një licence janë të artikuluara qartë në Ligj. Arsyet e përdorura nga Banka Qendrore nuk janë asnjë prej tyre. Për këtë arsye, ne kemi shumë besim në argumentet tona ligjore. Ligji duhet të jetë i njëjtë për të gjithë dhe ai duhet të respektohet. Nuk mund një kompani me kapital të huaj të mbyllet brenda nate. Ne duhet të dëshmojmë se Kosova është një shtet ku sundon ligji. Rasti Monego nuk është çështje vetëm ndërmjet kësaj kompanie dhe institucioneve të Kosovës, por është çështje e reputacionit të Kosovës në nivelin evropian. Nëse një kompani e huaj merret dhe mbyllet pa ndonjë bazë ligjore, ne mund të harrojmë anëtarësimin në BE dhe investimet e huaja”, shpjegon Koci.
Monego ishte mbyllur nga BQK, me arsyetimin se kanë devijuar nga planet e biznesit. BQK pati deklaruar se devijimi më shqetësues ka të bëjë me normën e interesit që kanë rezultuar më të larta nga ajo që e kanë paraparë në plan dhe si të tilla ato kanë paraqitur rrezik për stabilitetin bankar. Sipas BQK-së, të gjithë personat që kanë marrë kredi do t’i kthejnë ato si kredi likuidaore. /Telegrafi/
Promo
Reklamo këtuLufta Prigozhin - Putin
Më shumëVera 2024 - 7 ditë pushime në Antalya duke filluar nga 328 euro
Çmimet më të mira për Ramazan në Emona Center
LINE Group ju pret në panairin më të madh në botë për dyer, dritare dhe fasada “Fensterbau Frontale” në Gjermani
Kosova do të bëhet me impiant fotovoltaik diellor me kapacitet 100 MW, Murati: Projekti më i madh në rajon i këtij lloji
Filloi loja më e madhe në vend
Çka kanë të përbashkët tri ish banoret e BBVK që s’flasin mes vete?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Zbulo qysh mundesh me i vesh gërshetat me ZBRITJE
Më të lexuarat
Konfirmojnë lidhjen e dashurisë - Erolld Belegu dhe Diola Dosti shfaqen më të lumtur se kurrë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye
Aeroplani supersonik që ishte më i shpejtë se Concorde
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Barcelona i përgjigjet çmimit që Man Utd i ka vënë kartonit të Greenwood