“Monaco ende beson në finale”

Trajneri i Monacos, Leonardo Jardim, ka thënë se skuadra e tij do të kërkojë kualifikimin në finale dhe se ende nuk ka përfunduar asgjë. 

Juventusi e ka fituar ndeshjen e parë në Monaco me rezultat 2-0 dhe trajneri portugez është i bindur që skuadra e tij mund të bëjë më shumë.

“Do të na duhet të sulmojmë pa frikë. Në ndeshjen e parë bëmë po aq goditje në portë sa Juve, por ata ishin më cinikë. Nesër duam ta mbajmë ëndrrën tonë gjallë, objektivi ynë mbetet finalja”.

“Jam krenar për atë që kanë bërë lojtarët deri tani. Juventus na shkaktoi shumë probleme dhe padyshim që duhet të ndryshojmë diçka”.

“Alves në veçanti ishte shumë mirë, por është normale pasi ai është një lojtar i madh i cili është mësuar të luajë ndeshje të tilla”.

“Gjithsesi ne akoma mendojmë se mund të kualifikohemi”.

“Buffon është një portier i madh, ai është gjithmonë i fokusuar dhe bëri dy pritje të mëdha në ndeshjen e parë. Kemi pasur një sezon të madh deri tani dhe nesër do të japim më të mirën tonë për të fituar. Objektivi ynë kryesor është të përfundojmë ndeshjen pa pendime”, ka thënë Jardim. /Telegrafi/