Moise Kean, ‘mrekullia’ për të cilën është lutur Italia – e nxori familjen nga varfëria kur nënshkroi me Juven, menaxher e ka Raiolan
Azzurët kanë gjetur një golashënues, pasi djaloshi 19-vjeçar Moise Kean, di të shënojë, por së fundmi ai është kthyer në fjalën kryesore të medieve italiane dhe më gjerë, për shkak të kaluarës së tij.
Roberto Mancini, Giorgio Chiellini dhe Leonardo Bonucci të gjithë thonë të njëjtën gjë: Moise Kean është i destinuar për madhështi.
Nëna e tij e ka njohur atë që kur ai ka lindur. Isabelle thotë se “lindja e tij ishte një mrekulli”.
“Mjekët më thanë se nuk mund të kisha më fëmijë” tregon ajo për Tuttosport.
“Qaja dhe lutesha”.
“[Djali im] John gjithashtu më kërkonte një vëlla të vogël”.
“Një natë ëndërrova për Moisen, ai kishte ardhur për të më ndihmuar dhe, katër muaj më vonë, isha shtatzënë”, fillon rrëfimi i saj.
Goli me Italinë
Lutjet e Isabelle ishin përgjigjur. Rreth 19 vjet më pas, ndoshta edhe të Kombëtares Italiane.
Pas dështimit që Azzurrët të kualifikohen në Kupën e Botës, gjë që nuk kishte ndodhur që nga viti 1958 – komuniteti i futbollit italian kërkonte shpëtim, talente të reja për ta udhëhequr një epokë të re suksesi.
Të shtunën mbrëma në Udine, Kean dhe 22-vjeçari Nicolo Barella u bashkuan me Gianluigi Donnarumma, 20 vjeç, në formacionin fillestar të Italisë për në kualifikueset e Euro 2020 kundër Finlandës, ndërsa edhe adoleshenti Nicolo Zaniolo erdhi në stol në fushë.
Nga të katërtit, rritja e Keanit në dukje është padyshim më e rëndësishmja, për një sërë arsyesh.
Italia ka qarë për një golashënues për vite me radhë. Andrea Belotti nuk duhet gati, ndërsa idoli i fëmijërisë së Kean, Mario Balotelli, mbetet një enigmë.
Ciro Immobile udhëhoqi vijën e sulmit kundër Finlandës – pavarësisht faktit se ai nuk kishte shënuar në nëntë paraqitjet e fundit për Azzurët.
Në stol ishte 36-vjeçari Fabio Quagliarella. Sulmuesi i Sampdorias, ndoshta duhet të kishte filluar, duke pasur parasysh se është sensacion në Serie A këtë sezon, por mendja e trajnerëve ishte te Kean.
Italia fitoi 2-0. Barella kishte hapur ndeshjen, ndërsa më vonë i riu i Juventusit, u bë golashënuesi i dytë më i ri në histori të futbollit italian.
Mbajtësi i rekordeve, Bruno Nicole, ishte vetëm 18 vjeç kur shënoi dy herë për Italinë në një barazim 2-2 me Francën në vitin 1958.
Do të ishte një surprizë e madhe nëse historia përsëritet, pasi Kean do të startojë me shumë gjasa edhe sot ndaj Lihtenshtajnit.
“Të gjithë janë të çmendur pas Kean”, shkruante Tuttosport të hënën në mëngjes.
Paraqitja e Kean nuk është vetëm një gjë pozitive për ekipin kombëtar; është një gjë pozitive për një komb.
Edhe mediumet e tjera si Gazzetta dello Sport dhe Corriere della Sera kishin zgjedhur ta hapnin faqen e parë me sulmuesin e ri me prejardhje nga Bregu i Fildishtë.
Kean ka treguar se ka një frikë, mes asaj që do të thotë të jesh italian, duke mos e harruar ngjyrën e lëkurës.
“Unë jam një qytetar italian nga lindja. Prindërit e mi kanë qenë këtu për më shumë se 30 vjet”.
“Më vjen keq, por jemi të gjithë në të njëjtin vend dhe nëse jetojmë këtu, duhet të trajtohemi si italianë”, ka thënë ai menjëherë pas golit të tij në Udine.
Mamaja e tij tregon se si Kean e nxori familjen nga varfëria
Isabelle Kean, mamaja e lojtarit mbërriti në vitin 1990 nga Bregu i Fildishtë në Itali.
Ajo tregon se sa e vështirë ishte jeta e saj para se Moise të nënshkruante kontratë profesionale me Juve.
“Nuk kishim shumë para që të vinin në Torino. Kam punuar në një objekt trajtimi dhe shpesh kam bërë ndërrime të natës”.
“Pastaj, një ditë, Moise më thirri në orën 5:30 në mbrëmje. Unë do të punoja në Nizza Monferrato. Unë u frikësova; Mendova se diçka i kishte ndodhur atij”.
“Në vend të kësaj ai më thotë, ‘Mami, kam një befasi për ty”.
“Unë u përgjigja:” Mos më thuaj që Juve nuk ka nënshkruar me ty”.
“Ai tha:” Jo, mama, unë kam nënshkruar! Ti nuk ke nevojë të punosh dhe do të vish të jetosh me mua në Torino”.
“Suksesi i Moise ka shlyer të gjitha sakrificat që kam bërë në të kaluarën”, tregon ajo, duke e falënderuar edhe klubin bardhezi që e ka ndihmuar djalin e saj në çdo aspekt.
Ai menaxher e ka të mirënjohurin Mino Raiola dhe paratë nuk do të jenë problem për të.
Shpresa tani është se, suksesi i vazhdueshëm i Kean mund të luajë rol të vogël në krijimin e një të ardhmeje më të ndritur – për të gjithë italianët. /Telegrafi/
Lufta Prigozhin - Putin
Më shumëNga Rubrika
Aktorët e njohur po jetojë një përrallë në futbollin anglez – ngjisin sërish një kategori, në planet e tyre është edhe Messi
Distria Krasniqi, kampione e Evropës në xhudo – në super formë para Lojërave Olimpike
Nuk ka avancime në bisedimet për kontratën e re, Juventusi mund ta shes njërin prej lojtarëve më të mirë këtë sezon
Nga rrahja e kryetarit e ‘Intelektualëve’ deri tek dërgimi i Valon Zymberit dhe dy personave tjerë në mbajtje – e gjithë situata
"Mendova se mi theu të gjithë dhëmbët" - Evander Holyfield zbuloi se cili boksier e goditi më fort
“Bayern Munich duhet të blejë lojtarë që i përshtaten Zidanet”, legjenda franceze paralajmëron Bavarezët
Xavi konfirmon qëndrimin te Barcelona, zbulon arsyen pse ndryshoi mendje
Ancelotti konfirmon rikthimin e Courtois, flet edhe për lëndimet e Bellinghamit dhe Rodrygos
Distria Krasniqi i siguron medaljen Kosovës, kalon në finale të Kampionatit Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën