LAJMI I FUNDIT:

MISTERI I TUEBÂMJES

MISTERI I TUEBÂMJES
Halil Matoshi (foto: Hazir Reka)

Poezi nga: Halil Matoshi

Më 8 gusht 1942
Mahatma Gandhi u nis dathë
Tue bâmun magji
lirinë parzmore
Guhen shpatë

fjala deftuese e dekes
nuk ia ndali ecjën e gatë

fjala e bâni Ukshin Hotin të dekun
gjallë e panë gjithkah tue ecun
si njivjeç me 1943
Nepër vigun që ndan dy gjendjet e t’njajtes frymë

Nga ndeshja e shpatave dritësue

Ma i madh se jeta erdh Ukshin Hoti
me na magjepsë me kâmtë ngulun n’berthamën e tokës,
“Bane ose dis” – tha

E tha dhe u bâ!

Njeriu ynë i padukshëm
Kapërceu therrtoren e Kosovës më 1999
në terrin e ndërgjegjes së anmikut me banue

Pa mburrjën e fituesve
Pa tutën e t’mundunve

Deka e mbështolli si akullnajë
Simas nji rèni tiranik të gjânave
Kush lypë liri vritet!?

Fjala krijon dhe krijohet
Fjala
t’bân!

17 shkurt 2008