0Shares

Kompania SpaceX ka konfirmuar më shumë detaje rreth misionit të saj të Hënës që është planifikuar për vitin 2023. Gjithashtu zbuloi identitetin e udhëtarit të parë që paguan kompaninë për udhëtimin rreth hënës, i cili do të shoqërohet edhe nga tetë artistë në udhëtim. Nëse nuk jeni një nga këta njerëz, mos u shqetësoni, do të jeni në gjendje të përjetoni të gjithë misionin në realitetin virtual (VR).

Misioni i Hënës i SpaceX është planifikuar për 2023. Ai do të zhvillohet në raketën Big Falcon. Miliarderi japonez Yusaku Maezawa ka blerë të gjitha vendet e disponueshme për udhëtimin rreth Hënës. Ata nuk do të zbarkojnë në Hënë, por vetëm do të orbitojnë përreth, njofton Ubergizmo.

Drejtori i SpaceX, Elon Musk, ka konfirmuar për Twitter se SpaceX do të transmetojë misionin e tyre të hënës në realitetin virtual në “high definition”. “Do të ndiheni sikur jeni atje në moment”, shtoi ai.

Musk është duke parashikuar se sistemi satelitor StarXink i SpaceX do të jetë i gatshëm në momentin që merr mision. Kjo do të ndihmonte kompaninë në transmetimin e misionit në realitetin virtual.

Megjithatë, Musk është i njohur për afate ambicioze dhe shumë mendojnë se misioni mund të vonohet dhe kjo mbetet një mundësi, pasi duhet të bëhet punë intenzive përpara se të thuhet me siguri të arsyeshme që udhëtimi mund të bëhet në mënyrë të sigurt. /Telegrafi/

Të Ngjajshme
Shfaq Komentet (0)