Zlatan Ibrahimovic dhe Alexandre Pato janë në listën e Leonardos dhe Paolo Maldinit, për ta veshur njërin sërish kuqezi.

Trajneri Genaro Gattuso, tani e ka një përforcim, pasi Lucas Paqueta, do të bashkohet me klubin në janar, po tekniku italian e do edhe një.

Zlatan Ibrahimovic që tani luan te Los Angeles Galaxy preferohet nga të gjithë.

Por suedezi ka kushte të vështira për Milanin, pasi kërkon kontratë për 18 muaj e jo si kuqezinjtë që e kërkonin si huazim.

Zlatan Ibrahimovic te AC Milan . (Photo by Claudio Villa/Getty Images)

Tjetër lojtar që mund të bashkohet është Alexandre Pato.

Braziliani ka ende nostalgji për Italinë pasi që aktualisht po luan në Kinë., ku edhe po fiton shuma të mëdha.

Pato është i gatshëm të ulë pretendimet financiare vetëm të kthehet në Serie A.

Pato kur ishte te AC Milani . (Photo by Claudio Villa/Getty Images)

Ai për një vit e gjysmë te Tianjin Quanjian ka shënuar 31 gola në 47 ndeshje, shifër e mirë për një sulmues.

Tani Leonardo dhe Maldini duhet të zgjedhin mes njërit prej tyre. /Telegrafi/