Milani dhe Udinese kanë konfirmuar tashmë formacionet zyrtare për ndeshjen e radhës në Serie A.

Rossonerët janë nikoqir të Udineses në takimin e vlefshëm për javën e 20-të në Serie A, i cili zhvillohet në San Siro nga ora 12:30.

Ekipi i drejtuar nga Stefano Pioli vjen nga një fitore e rëndësishme ndaj Cagliarit dhe shpreson të vazhdojë serinë për t’u ngjitur sa më lartë në tabelë.

Në anën tjetër, Udinese është në formë të mirë me tri fitore radhazi dhe do të tentojë befasinë ndaj Rossonerëve.

Trajnerët e të dyja skuadrave kanë vendosur të startojnë me formacionet më të mira të mundshme, ku te Milani debuton edhe Simon Kjaer.

Milan: G Donnarumma; Conti, Kjaer, Romagnoli, Theo Hernandez; Castillejo, Bennacer, Kessie, Bonaventura; Ibrahimovic, Leao

Udinese: Musso; Becao, Troost-Ekong, Nuytinck; Stryger-Larsen, Fofana, Mandragora, De Paul, Sema; Okaka, Lasagna

/Telegrafi/