Milani fillon bisedimet me Lucas Vazquez, por ka konkurrencë të madhe për shërbimet e tij

Milani thuhet se ka filluar bisedimet për të nënshkruar Lucas Vazquez si lojtar i lirë, por Interi, Bayern Munichu dhe Manchester Unitedi janë gjithashtu në garë për të nënshkruar me anësorin e Real Madridit.

Sipas Calciomercato.com, drejtori teknik i Rossonerëve, Paolo Maldini tashmë ka kontaktuar agjentin e lojtarit, megjithëse përparësia e tij mbetet të qëndrojë te Los Blancos.

Sidoqoftë, 30-vjeçari nuk ka arritur ende një marrëveshje për të zgjatur qëndrimin e tij në kryeqytetin spanjoll dhe klubet e interesuara duan të provojnë transferimin e tij.

Lexo po ashtu Formacioni fantastik me lojtarët që Reali dëshiron t’i largojë, ndoshta edhe trajnerin

Shoqëruesit e Vazquez kanë kërkuar një marrëveshje të re katërvjeçare me 5 milionë euro në vit, por as Real Madrid dhe as Milani nuk janë të hapur për të ofruar aq shumë për momentin.

Gjigantët e Serie A mund të vendosin në tavolinë një kontratë prej 4 milionë eurosh, e cila është paga më e lartë që ata mund të ofrojnë për një lojtar, përveç Zlatan Ibrahimovic dhe Gigio Donnarumma.

Lexo po ashtu Unitedi dhe Chelsea 'luftojnë' për shërbimet e Vazquez

Sipas raportit, Milani nuk është i vetmi klub i interesuar pasi Interi, Bayern Munichu dhe Manchester United i kanë vënë syrin 30-vjeçarit.

Vazquez mund të bashkohet me ish-shokun e tij të skuadrës Theo Hernandez në Milan ndërsa francezi u bashkua me Rossonerët nga Real Madrid në verën e 2019. /Telegrafi/