Mike Ashley kërcënon Ligën Premier me veprim ligjor pas dështimit të blerjes nga investitorët e Arabisë Saudite

Tifozët e Newcastle United menduan se do të kishin një verë mjaft emocionuese me blerje të emrave të mëdhenj, por Liga Premier nuk pranoi shitjen e klubit dhe tani drejtuesit po shikojnë mundësinë e një veprimi ligjor.

Në fillim të këtij viti, u hap lajmi se një konsorcium me bazë në Arabi Saudite ishte në bisedime për të blerë klubin në një marrëveshje prej 300 milionë funtesh.

Tifozët e klubit anglez shpejt filluan të ëndërrojnë të nënshkruanin me yje si Lionel Messi, Kylian Mbappe dhe Neymar.

Por, këto mbetet vetëm ëndrra pasi sot (e mërkurë) në mbrëmje, pronari i Newcastle, Mike Ashley konfirmoi se Liga Premier ka bllokuar zyrtarisht shitjen.

Dhe, ai nuk është më i kënaquri për këtë. Klubi lëshoi ​​një deklaratë të formuluar në lidhje më këtë temë.

“Newcastle United mund të konfirmojë që Liga Premier ka refuzuar një ofertë për blerjen e bërë nga PCP Capital Partners, Reuben Brothers dhe Fondi i Investimeve Publike të Arabisë Saudite (PIF) bazuar në testin e Pronarëve dhe Drejtorëve të tij”.

“Ky përfundim është arritur pavarësisht se klubi siguroi Ligën Premier me prova dërrmuese dhe mendime ligjore se PIF është e pavarur dhe autonome nga qeveria e Arabisë Saudite”.

“Klubi dhe pronarët e tij nuk pranojnë që shefi ekzekutiv i Ligës Premier, Richard Masters dhe Liga Premier kanë vepruar si duhet në lidhje me këtë çështje dhe do të shqyrtojnë të gjitha opsionet përkatëse në dispozicion të tyre”, thuhet në deklaratën e Newcastle.

Club statement.#NUFC

— Newcastle United FC (@NUFC) September 9, 2020

Në sytë e Ashley dhe Newcastle , kjo nuk ka mbaruar. Në fakt, mund të jetë vetëm fillimi, pasi reporteri i Sky Sports, Keith Downie konfirmoi se ky është një mesazh i fortë për Ligën Premier – pasi që kërcënon veprimet ligjore.

“Newcastle United ka konfirmuar se Liga Premier ka refuzuar zyrtarisht marrjen e klubit nga Amanda Staveley të mbështetur nga Sauditët”.

“Mike Ashley, i cili aktualisht është në Tyneside, tani kuptohet se po shqyrton opsionet e tij ligjore”, shkroi Downie në profilin e tij në Twitter. /Telegrafi/

BREAKING: Newcastle United have confirmed The Premier League have officially rejected Amanda Staveley’s Saudi-backed takeover of the club. Mike Ashley, who is currently on Tyneside, is now understood to be considering his legal options. #NUFCTakeover

— Keith Downie (@SkySports_Keith) September 9, 2020