Kryetari i OBRM-PDUKM-së Hristijan Mickoski dhe nënkryetari i partisë Aleksandar Nikolloski sot u takuan në Budapest me kryeministrin hungarez Viktor Obran.

Siç thonë nga partia, në mbledhje u diskutua “situata aktuale politike dhe ekonomike në vend, sfidat kryesore me të cilat përballet, për interesat dhe perspektivat strategjike të Republikës së Maqedonisë, si dhe çështje që lidhen me bashkëpunimin e ndërsjellë në nivelin partiake të Mickoskit dhe Orbanit brenda Partisë Popullore Evropiane”.

“Mickoski theksoi se për OBRM-PDUKM, perspektivat evropiane të Republikës së Maqedonisë që janë të rrezikuara nga qeveria e papërgjegjshme e Zaevit kanë një rëndësi të madhe. Në këtë kontekst, kryetari i OBRM-PDUKM-së, Hristijan Mickoski ka shprehur shqetësimin për krimet dhe skandalet e korrupsionit me të cilat përballet qeveria e kryeministrit Zaev, si dhe mungesën e shkarkimeve juridike të çështjeve të tilla kriminale që kërcënojnë funksionimin e shtetit të së drejtës”, thonë nga partia.

Sidoqoftë, siç thuhet në deklaratë, Mickoski tha që vendi duhet të marrë datë për negociata sepse, siç thuhet, “fakti që qytetarët nuk duhet të mbahen peng i paaftësisë së Qeverisë dhe nevoja për të krijuar një mekanizëm tjetër kontrolli mbi qeverinë përmes monitorimit më të ngushtë të punës së saj nga institucionet evropiane”./Telegrafi/