Miami Heat e ka gjunjëzuar Clevelandin në American Airlines Arena me rezultat 98-79.

Ishte kjo një ndeshje mjaft misterioze për Cavs, pasi që është ndeshja me më së paku pikë të realizuara nga Cavs këtë edicion.

LeBron James nuk ishte as afër formës së tij të 10 ndeshjeve të fundit duke shënuar vetëm 18 pikë, kurse Kevin Love e lëshoi takimin i lënduar pas shtatë minutash lojë me një dëkmtim në dhëmbë.

Rodney Hood shtoi 15 pikë, Thompson shtoi 6 pikë e 13 kërcime në rikthimin e tij, por te Miami ishte i pandalshëm Kelly Olynyk. Ukrainasi fantastik realizoi 19 pikë në mungesë të Badem Adebayo duke qenë edhe kontributori kryesor në fitoren e madhe të Miamit.

San Antonio Spurs dështoi në Washington ku pësoi humbje me rezultat 116-106.

Humbja erdhi pasi Aldridge nuk luajti gjithë pjesën e dytë për shkak të një dëmtimi të pësuar në nyje duke u detyruar që ta lëshojë takimin.

Pas ndeshjeve të së mërkurës San Antonio mban vendin e gjashtë në perëndim me vetëm dy ndeshje larg prej Clippers dhe Denverit që kanë vendin e nëntë dhe të 10-të, ndërkq Portlandi ka përforcuar pozitën e tretë në tabelë.

Në lindje Clevelandi vazhdon të jetë në vendin e tretë me një fitore më shumë se Philadelphia dhe Indiana, teksa Miami lëvizë në vendin e shtatë pas fitores së fundit duke lënë në vendin e fundit Milëaukeen.

/Telegrafi/