Sead Kolasinac duke se është shok shumë i mirë, pasi që sot i doli në mbrojtje Mesut Ozilit, kur dy hajdutë tentuan t’ia vidhnin makinën.

Dy lojtarët sapo janë kthyer nga një turne para-sezonal nga Shtetet e Bashkuara dhe ishin pre e një sulmi në veri të Londrës.

Në video që po bën xhiro në mediat sociale shihen dy sulmues me motoçikleta dhe të armatosur me thika duke u përpjekur ta vidhnin veturën Mercedes-Benz G-Class të Ozil.

Ozil ishte në makinën e tij, bashkë me shokun e skuadrës, Sead Kolasinac, në momentin që keqbërësit u afruan me mortor dhe nisën të kërcënojnë me thika.

Ishte pikërisht boshnjaku Kolasinac që zgjodhi të përballet me keqbërësit, duke dalë nga makina dhe sulmuar ata derisa u larguan, ndonëse si armë kishte vetëm grushtet e tij.

Nga ana tjetër, Ozil nxitoi të fshihej në një restorant turk që ndodhej aty pranë, deri në momentin që në vendngjarje erdhi policia. /Telegrafi/