Mësohet ora kur do të fillojnë meçet e shumëpritura të boksit Marku-Prodan dhe Joshua-Usyk

Pritjes i erdhi fundi dhe sot (e shtunë) adhuruesit e boksit do të kenë një natë të gjatë me disa meçe shumë interesante, në disa kategori si WBA, WBO dhe IBF.

Në stadiumin e Tottenham Hotspur në Londër, do të zhvillohen disa meçe, ku vëmendja kryesore e gjithë shqiptarëve është te boksieri ynë, Florian Marku.

28-vjeçari do të përballet me ukrainasin Maxim Prodan dhe tanimë janë mësuar edhe oraret e meçeve.

Marku dhe Prodan është dueli i treti në këtë natë të gjatë të boksit, dhe kjo përballje pritet të fillojë rreth orës 19:00. Por, çdo gjë varet edhe si kryhen ndeshjet paraprake. Vlen të theksohet se ky meç është në kuadër të kategorisë “walterwight”, një kategori në mes të asaj të lehtë dhe të mesme.

Lexo po ashtu Florian Marku dështon në matjen e parë zyrtare, ka kohë vetëm dy orë që t'i humb 1,8 kilogramë

Ndërkohë dueli kryesor i kësaj mbrëmje padyshim që është ai mes Anthony Joshuas dhe Oleksandr Usyk.

Dy boksierët do të ndeshen për titullin e kampionit në peshat e rënda, derisa Joshua mbanë titujt e WBO, WBA dhe IBF.

Dueli mes britanikut dhe ukrainasit është pritur që një kohë të gjatë dhe pritet të jetë spektakolar.

Joshua dhe Usyk pritet të dalin në ring rreth orës 23:15 me kohën tonë lokale. /Telegrafi/