Meghan Markle viziton Uvalden, nderon viktimat pas sulmit në një shkollë fillore në Teksas

Meghan Markle, Dukesha e Sussex, bëri një vizitë në një vend përkujtimor për viktimat e përfshira në të shtënat vdekjeprurëse në shkollën fillore në Teksas.

Meghan vendosi lule të bardha të lidhura me një fjongo të purpurt në një memorial jashtë gjykatës së qarkut Uvalde të enjten.

Ajo bëri nderimet e saj pasi një person i armatosur vrau 19 nxënës dhe dy mësues të martën në shkollën fillore ‘Robb’ në Uvalde.

Dukesha e Sussexit jeton në Kaliforni me bashkëshortin e saj, Princin Harry dhe dy fëmijët e tyre.

Ajo e mori udhëtimin në Teksas në një cilësi personale si nënë për t’i ofruar ngushëllimet dhe mbështetjen e saj personalisht një “komuniteti që përjeton dhimbje të paimagjinueshme”, sipas zëdhënësit të saj.

Lexo po ashtu Të shtënat në një shkollë fillore në Teksas, tani raportohet për 14 nxënës dhe një mësues të vrarë

Përveç vizitës në memorial, Markle u ndal në një qendër që po organizon një aksion gjaku, ku banorët janë rreshtuar për ditë të tëra për t’u ofruar gjak autoriteteve të spitalit.

Nuk është hera e parë që Dukesha u drejtohet viktimave të një sulmi të tmerrshëm.

Në vitin 2019, ajo dhe Princi Harry lanë lule në Londong (Zelandë të Re), pasi sulmet terroriste kundër xhamive në Christchurch vranë 50 njerëz. /Telegrafi/