McGregor vonohet në konferencën për media, Nurmagomedov nuk e pret: Por, kur irlandezi arrin, atëherë fillon spektakli

Të gjithë mezi po presin ndeshjen e madhe në UFC mes Connor McGregor dhe Khabib Nurmagomedov.

Por, deri sa t’i vije radha kësaj t’i kthehemi konferencës së fundit për media që u mbajt në Las Vegas.

Për shkak të vonesës pak minushe të irlandezit nuk arritëm të shikojmë një përballje mes dy sportistëve më të mëdhenj aktualisht në peshat e lehta të UFC-së.

“Nuk kam ndërmend të pres askënd. Fansat janë këtu, mediat janë këtu, të gjithë janë këtu. Unë nuk mendoj për atë, kam një agjendë”.

“Unë brengosem vetëm për vetën time, pse duhet të mendoj për atë, nëse vjen apo jo? Nëse dikush është vonuar, nuk është problemi im. E prita 15 minuta dhe ky nuk erdhi, është mosrespekt. Shihemi”.

Por, kur McGregor u shfaq, atëherë filloi edhe spektakli, pasi një pjesë e madhe e tifozerisë janë në anën e tij:

“Nuk e planifikova këtë vonesë. Tentova të vi sa më shpejtë, jam vetëm pak minuta me vonesë. Ai nuk dëshiron të jetë përballë meje, ai është i tmerruar. Do ta shkatërroj, s’do të ketë kurrë paqe mes nesh”.

Vlen të theksohet se Nurmagomedov nuk është mposhtur kurrë në UFC, nga 26 përballje nuk ka asnjë humbje.

Ndërsa McGregor nga 24 ndeshje ka tre humbje. /Telegrafi/