Conor McGregor dëshiron rimeçin ndaj Khabib Nurmagomedov në rikthimin e tij në UFC, por rivali i peshave të lehta Tony Ferguson është kundërshtari i radhës i rusit për rripin e më të mirit.

‘The Notorious’ aktualisht është jashtë fushave pasi ka një dëmtim të dorës së majtë dhe kjo ka  ndaluar planet e irlandezit për t’u kthyer në nëntor ose dhjetor.

Conor McGregor po rikthehet në UFC Conor McGregor po rikthehet në UFC

Sipas TSN Sports, presidenti i UFC-së, Dana White foli me McGregor javën e kaluar dhe zbuloi se 31-vjeçari dëshiron të zhvillojë rimeçin ndaj Nurmagomedov me rastin e rikthimit të tij në ‘oktagon’ apo tetëkëndësh.

McGregor dhe Khabib gjatë luftës së vitit të kaluar

Por, sfidues i mundshëm për luftëtarin rus është numri 1 i ranglistës së UFC, Tony Ferguson, për të sfiduar titullin e peshave të lehta.

Nurmagomedov, 30 vjeç, do të mbroj titullin e tij kundër kampionit të përkohshëm Dustin Poirier në UFC 242 në Abu Dhabi më 7 shtator, ndërsa pas tij vjen Ferguson si sfidues.

Ferguson pritet të jetë sfiduesi i radhës për Khabibin

Rusi ka njoftuar më parë dëshirën e tij për t’u përballur me Fergusonin pas ndeshjes së tij në Lindjen e Mesme – pasi që ka katër luftëra të propozuara më parë, por që janë anuluar.

Khabib paralajmëron pensionimin nga UFC për t'i mohuar kështu McGregorit rimeçin Khabib paralajmëron pensionimin nga UFC për t'i mohuar kështu McGregorit rimeçin

Pavarësisht nga kërkesa e McGregorit për të zhvilluar rimeç me Nurmagomedovin, i cili e mundi yllin irlandez në UFC 229 në tetor – ish-kampioni në dy pesha mund të detyrohet të zhvilloj një luftë të përkohshme.

McGregor pritet të ndeshet me Masvidalin në welterweight

Sfiduesi i mundshëm i McGregorit në ‘welterweight’ apo pesha në mes të lehtës dhe mesmes pritet të jetë Jorge Masvidal – i cili këtë muaj shënoi nokautin më të shpejtë në historinë e UFC-së në një fitore kundër Ben Askren.

McGregor ka treguar plane për të fituar titullin e ‘welterweight’ në disa raste dhe të bëhet kampioni i parë në tri kategori të UFC-së. /Telegrafi/