Mbrojtësit e një ishulli në Ukrainë, të cilët i thanë marinës ruse “Shkoni në…” janë gjallë?

Ushtarët ukrainas që u raportua se ishin vrarë gjatë mbrojtjes së një ishulli, tanimë thuhet se janë gjallë.

Kështu së paku pretendon Illia Ponomarenko, reporter i mbrojtjes për The Kyiv Independent, i cili shkroi në Twitter: “Është zyrtare. Detarët e ‘Ishullit të Gjarpërinjve’ janë gjallë, konfirmon Navy”.

“Ata u kapën robër nga Rusia”, shkruan më tej ai, përcjell Telegrafi.

BREAKING:
It’s official – 🇺🇦 Snake Island sailors are alive, Navy confirms.
They were taken prisoner by Russia.

— Illia Ponomarenko (@IAPonomarenko) February 28, 2022

Lajmi vjen pasi një video u shfaq në të cilën dëgjohej një bisedë audio që u zhvillua midis një luftanijeje ruse dhe rojeve kufitare në ishullin Snake, i cili ndodhet në Detin e Zi rreth 30 milje larg skajit jugor të kontinentit ukrainas.

Në klip, një zë dëgjohej duke thënë në radio: “Kjo është një anije luftarake ruse. Unë ju propozoj të lini armët dhe të dorëzoheni për të shmangur gjakderdhjen dhe viktimat e panevojshme”.

“Përndryshe do të bombardoheni”, thuhej më tej.

Russian warship: "I suggest you lay down your arms and surrender, otherwise you'll be hit"

Ukrainian post: "Russian warship, go fuck yourself"

All 13 service members on the island were killed. pic.twitter.com/sQSQhklzBC

— BNO News (@BNONews) February 25, 2022

Ndërkohë në anën tjetër, mund të dëgjoheshin zëra që diskutonin përgjigjen e tyre, përpara se të thoshin: “Kjo është ajo”.

Ukrainasit më pas u përgjigjen: “Shkoni në…”. /Telegrafi/