Mbretëresha ha banane me thikë dhe pirun – dhe ky nuk është i vetmi “ves” i saj, kur bëhet fjalë për ushqimet

Ajo është Shefi i Shtetit dhe monarki më i gjatë i mbretërimit të Britanisë, kështu që nuk është për t’u habitur që zakonet e ngrënies së Mbretëreshës janë të ndryshme nga shumica e njerëzve.

Sipas Mirror, përcjell Telegrafi, madhëria e saj ka kuzhinierët më të mirë dhe argëton 50,000 njerëz çdo vit.

Gjithashtu, thuhet se buxheti vjetor i ushqimit për Mbretëreshën Elizabeth është rreth 1,6 milion funte dhe përfshin gjithçka nga Darka e Shtetit deri në atë që familja mbretërore ha për mëngjes.

Dhe Mbretëresha mund të jetë shumë e veçantë për atë që ha.

Ajo do të pijë vetëm çaj Earl Grey, që shërbehet gjithmonë pa qumësht dhe sheqer, dhe është një fanse e madh e ngrënies së produkteve sezonale.

Por kur bëhet fjalë për fruta, banania në mënyrë të veçantë, Mbretëresha ka disa rregulla shumë të rrepta.

Për dallim nga pjesa tjetër, madhështia e saj nuk pranon të hajë një banane, në mënyrë që ajo të mos shihet duke shijuar ushqim “si një majmun”.

Në vend të kësaj ajo e “zhvesh” atë me thikë dhe pirun.

Të qenit e rreptë në lidhje me mënyrën se si ajo han bananet nuk është çështja e vetme për ushqimin e Mbretëreshës.

Ajo kurrë nuk do të hajë, ose shërbejë, hudhër – madje edhe në raste zyrtare.

Dhe sigurisht, ajo ka arsye të mira pas kësaj – kjo është për shkak se familja mbretërore duhet të takohet dhe të përshëndes kaq shumë njerëz, kështu që kurrë nuk dëshiron erën e hudhrës në frymën e saj. /Telegrafi/