Basketbollisti i Philadelphia 76ers, Joel Embiid, në fitoren 105-98 në shtëpi kundër Utah Jazz, bëri diçka që nuk mund ta bënte asnjë lojtar para tij në NBA.

Reklama

Përkatësisht, ai kombinoi 59 pikë, 11 kërcime, tetë asistime dhe shtatë bllokime.

“Shokët e mi e dinin se kush e kishte dorën e nxehtë dhe duhej të më ‘ushqenin’ me topa”, është shprehur qendra e 76ers.

Ndryshe, ndeshja më e mirë në karrierën e Embiid erdhi vetëm një ditë pasi ai shënoi 42 pikë kundër Atlantas.

“Kurrë nuk kam parë një lojë më dominuese në mbrojtje dhe në sulm”, ka thënë trajneri i Philadelphias, Doc Rivers.

Reklama

Embiid ishte veçanërisht dominues në çerekun e fundit, në të cilin i shënoi 26 nga 27 pikët e ekipit të tij dhe bëri pesë nga shtatë bllokadat e skuadrës.

Reklama

Krahas tij, vetëm Tyrese Maxey arriti të shënonte pikë dyshifrore (18), ndërsa mysafirët nuk i ndihmoi fakti që kishin pesë lojtarë me performancë dyshifrore. /Telegrafi/