Policia e Kosovës ka mbajtur ceremonisë përmbyllëse të fundvitit, ku janë prezantuar arritjet e këtij institucioni por edhe sfidat me të cilat është përballur gjatë vitit 2017.

Me këtë rast, Drejtori i Përgjithshëm i Policisë, Shpend Maxhuni ka thënë se janë evidentuar rreth 45 mijë raste, ku nga to 35 mijë janë vepra penale, kurse të tjerat si kundërvajtje.

Më tej ai ka shtua se policia gjatë këtij viti ka ndjekur 172 protesta dhe tubime, që në raport me vitin 2016 është vërejtur një ulje e protestave dhe tubimeve.

“Numri i vrasjeve ka shënuar rënie, nga 26 sa kanë qenë vitin e kaluar, sivjet janë 24. Policia ka konfiskuar 1200 armë dhe ka rënie me 7.07 përqind. Policia ka menaxhuar në 172 protesta dhe ka rënie në 27.7 për qind të organizimeve të protestave krahasuar me vitin e kaluar. Lidhur me aktivitete sa i përket sigurisë në shkolla janë organizuar me mijëra patrullime me qëllim të luftimin dhe parandalimin e narkotikëve nëpër shkolla”, ka thënë Maxhuni.

Maxhuni ka theksuar se vendosja dhe aprovimi nga shtetet anëtarë të EUROPOL-IT është një lajm i mirë sepse ka ardhur pas punës së përbashkët, policisë, MBP-së dhe Zyrës së Kryeministrit.

Kurse, ministri i Punëve të Brendshme të Kosovës, Flamur Sefaj ka falënderuar Policinë e Kosovës për punën e bërë gjatë vitit 2017.

Ministri theksoi se Policia e Kosovës po përmbush të gjitha kriteret që kërkohen nga Bashkësia Ndërkombëtare dhe vendore të cilat na çojnë drejt integrimeve evropiane dhe organizatat më të mëdha. /Telegrafi/