0Shares

Ministri i Mjedisit dhe Planifikimit Hapësinor, Fatmir Matoshi, i është përgjigjur deputetit të LDK-s, Driton Selmanajt, për akuzat lidhur me ndarjen e vlerës prej 1 milion e 200 mijë euro për organizatën “Let’s do it Kosova”.

Ai tha se 1 milion e 200 mijë euro do të përdoren për investime kapitale, si: rregullim të parqeve, rregullim të hapësirave gjelbëruese, mbjellje të drunjve etj.

“1.2 milion euro janë grante të ndara për 5 komunat më të suksesshme në aktivitetin që jemi duke e zhvilluar aktualisht, në fushatën ‘Ta pastrojmë Kosovën’. Ky premtim dhe ky grant është shpallur më 15 shtator, është paraparë në buxhetin e Ministrisë së Mjedisit dhe kemi aprovuar kriteret me të cilat do të shpërblehen 5 komunat. Këto 1.2 milion euro do t’iu jepen komunave drejtpërdrejt në fushën e mjedisit”, tha Matoshi.

Ndërsa deputeti Driton Selmanaj tha se fakti se ky projekt gjendet tek projektet kapitale lë hapësirë për dilema.

Sipas tij, aty kanë munguar sqarime të nevojshme. “Unë prapë kam dilemat e mia. Pse ju këtë projekt e keni vendosur tek projektet kapitale, jo te grantet dhe subvencionet”, tha Selmanaj. /Telegrafi/

Të Ngjajshme
Shfaq Komentet (0)