LAJMI I FUNDIT:

“Marrëveshja është e pamjaftueshme”, “barrë për Kosovën”, qëndrimet e dy partive opozitare për Marrëveshjen e Ohrit

“Marrëveshja është e pamjaftueshme”, “barrë për Kosovën”, qëndrimet e dy partive opozitare për Marrëveshjen e Ohrit

Më 18 mars në Ohër të Maqedonisë së Veriut, Kosova dhe Serbia u pajtuan për planin e zbatimit të Propozimit evropian.

Marrëveshja e Ohrit ndonëse nuk u nënshkrua ajo u tha është bërë ligjërisht e detyrueshme në momentin kur Bashkimi Evropian doli me njoftimin.

Por, Marrëveshja e Ohrit nuk e ka përkrahjen e opozitës në Kosovë, gjegjësisht të dy partive më të mëdha opozitare.

Lideri i Partisë Demokratike të Kosovës, Memli Krasniqi një ditë më parë në takimin me ambasadorin e Bashkimit Evropian në Kosovë, Tomaz Szunyog ka folur për këtë marrëveshje.

Ai bëri të ditur se edhe ambasadorit Szunyog ia ka përsëritur qëndrimin e tij dhe të PDK-së në lidhje me këtë marrëveshje, e cila sipas tij është e pamjaftueshme dhe mundësi të humbur për të përmbyllur konfliktin e ngrirë prej dekadash me Serbinë.

“Kjo marrëveshje është rezultat i gabimeve të vazhdueshme të kryeministrit Kurti dhe nuk i arrin qëllimet tona shtetërore e qytetare.

Bashkë diskutuam edhe për procesin e reformës zgjedhore, i cili është duke u përmbyllur me sukses, si dhe për punën tonë si Grup Parlamentar në Kuvendin e Kosovës. Ambasadorin Szunyog e falënderova për angazhimin e Bashkimit Evropian për të lehtësuar dhe ndihmuar proceset me rëndësi në Republikën e Kosovës”, shkruan Krasniqi.

Lideri i Partisë Demokratike të Kosovës, Memli Krasniqi në takimin me ambasadorin e Bashkimit Evropian në Kosovë, Tomaz Szunyog

E për marrëveshjen ka folur një ditë më parë edhe kryetari i Lidhjes Demokratike të Kosovës, Lumir Abdixhiku.

Ai njoftoi se në mbledhjen e sotme të Kryesisë së partisë kanë diskutuar për zhvillimet e fundit që kanë të bëjnë me dialogun Kosovë-Serbi, gjersa theksoi se në procesin e dialogut janë bërë lëshime të mëdha nga pala kosovare.

Abdixhiku kritikon Kurtin, thotë se po bën lëshime të mëdha në dialogun me Serbinë
Lexo po ashtu Abdixhiku kritikon Kurtin, thotë se po bën lëshime të mëdha në dialogun me Serbinë

“Sot, mbajtëm mbledhjen e radhës së Kryesisë së Lidhjes Demokratike të Kosovës. Diskutuam për zhvillimet e fundit politike në vend, me theks të veçantë mbi temën e dialogut dhe lëshimet e mëdha të bëra në këtë proces”, ka shkruar Abdixhiku, përcjell Telegrafi.

Sipas tij, këto lëshime, përveç se humbje e një mundësie për avancim substancial të pozicionit shtetar të Kosovës, tashmë po shndërrohen dhe në kushte obligative integruese për vendin tonë; adaptimi me të cilat do të jetë sa i pashmangshëm aq edhe sfidues.

Ndryshe, të dy partitë opozitare janë shprehur kundër kësaj marrëveshje. Ndërkaq, Aleanca për Ardhmërinë e Kosovës ka përkrahur Propozimin evropian për normalizimin e raporteve Kosovë-Serbi.

Kryetari i Lidhjes Demokratike të Kosovës, Lumir Abdixhiku

Marrëveshja me 11 nene, e bërë publike më 27 shkurt, nuk e obligon Serbinë që ta njohë Kosovën, por kërkon nga të dyja vendet që t’i pranojnë dokumentet dhe simbolet e njëra-tjetrës, përfshirë: pasaportat, diplomat dhe targat.

Ajo kërkon, po ashtu, nga palët që t’i zbatojnë të gjitha marrëveshjet e arritura deri më tash në dialogun për normalizimin e marrëdhënieve, përfshirë edhe atë për formimin e Asociacionit të komunave me shumicë serbe në Kosovë, të cilin Qeveria në Prishtinë e ka refuzuar deri më tash, me arsyetimin se mund të rrezikojë funksionalitetin e shtetit.

Zëvendëskryeministri i Kosovës, Besnik Bislimi, ka përmendur muajin e kaluar tri kushte të Kosovës për formim të Asociacionit.

“Asociacioni duhet të jetë në përputhje me ligjet e Kosovës, duhet të jetë në përputhje me qëndrimet e BE-së se nuk mund të ketë fuqi ekzekutive, siç është thënë në letrën që ish-Përfaqësuesja e Lartë, Federica Mogherini, ia kishte dërguar atëbotë kryeministrit të Kosovës. Së treti, që Asociacioni të mos paraqesë nivelin e tretë të pushtetit”, ka thënë Bislimi para Parlamentit Evropian në Bruksel. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori