Manchester United ka fituar si mysafir i Brighton me rezultat 3-0 në kuadër të Carabao Cup.

Të besuarit e Ole Gunnar Solskjer ishin më të mirë se kundërshtari nga fillimi deri në fund.

Pas disa rasteve në fillimin e ndeshjes, ku nuk erdhi goli, United shënoi në fund të pjesës së parë.

Juan Mata harkon në zonë, ku më së miri u gjend Scott McTominay i cili me një goditje me kokë shënoi nga afër për 1-0.

Me këtë rezultat u mbyll edhe pjesa e parë, ndërsa fillimi i pjesës së dytë ishe i qetë.

United shënoi golin e sigurisë me Matan i cili mori një top në zonë dhe me një goditje të bukur shënoi për 2-0 në minutën e 73-të.

Në minutën e 80-të ishte radha e Paul Pogbas që shënoi një gol të bukur nga goditja e dënimit për 3-0.

Deri në fund nuk kishte më gola dhe Manchester United kaloi në çerekfinale të Carabao Cup. /Telegrafi/