Manchester United e ka prezantuar nënshkrimin e fundit, Bruno Fernandes, që vjen nga Sporting Lisbona.

Bruno ka nënshkruar një kontratë për pesë vjet e gjysmë, me mundësi për të zgjatur edhe për një vit.

25 vjeçari portugez ka kontribuar me 63 gola dhe 52 asistime në 137 paraqitje për klubin portugez.

Mësohet se Bruno Fernandes i ka kushtuar Mancheser Unitedit plot 55 milionë euro.

Lojtari u shfaq i lumtur me nënshkrimin për klubin e madh:  “Dashuria ime ndaj Manchester United filloi kur e shihja Cristiano Ronaldon, dhe që atëherë kam qenë një tifoz i madh i këtij klubi të shkëlqyeshëm”.

“Për mua që tani të luaj për Manchester United është ndjenjë e papërshkrueshme, kam punuar shumë për të arritur deri në këtë moment dhe mund t’u premtoj tifozëve se do të jap gjithçka që të na sjellë më shumë sukses dhe trofe”, ishin fjalët e tij të para.

Ai ka bërë 19 paraqitje për Portugalinë. /Telegrafi/